நீல வண்ண பட்டாம்பூச்சியாய் நடிகை நஸ்ரியா வெளியிட்ட க்யூட் புகைப்படங்கள்!

இரு மொழிகளிலும் நல்ல வரவேற்ப்பை பெற்றது

மலையாள சினிமாவில் குழந்தை நட்சத்திரமாக அறிமுகமாகி படிப்படியாக கதாநாயகியாக மாறியுள்ள நடிகை நஸ்ரியா தமிழ் சினிமாவிற்கு நேரம் படத்தின் மூலம் அறிமுகப்படுத்தப்பட்டார் இயக்குனர் அல்போன்ஸ் புத்திரன் இயக்கத்தில் நிவின் பாலி நஸ்ரியா இணைந்து நடித்திருந்த நேரம் திரைப்படம் வெளியாகி இரு மொழிகளிலும் நல்ல வரவேற்ப்பை பெற்றது

ஜெய்யுடன் இணைந்து திருமணம் எனும் நிக்கா

நடித்த முதல் திரைப்படத்திலேயே ரசிகர்களின் மனதை கொள்ளையடித்த நஸ்ரியா அதைத் தொடர்ந்து தமிழில் அடுத்தடுத்த படங்களில் ஒப்பந்தமாகி நடித்து வந்தார். ராஜா ராணி, நையாண்டி, வாயை மூடி பேசவும்,பெங்களூர் டேஸ், திருமணம் எனும் நிக்கா என இவரது நடிப்பில் வெளியான அனைத்து திரைப்படங்களும் ஹிட் அடித்தன. கடைசியாக ஜெய்யுடன் இணைந்து திருமணம் எனும் நிக்கா என்ற படத்தில் நடித்திருந்தார்.

கணவர் பகத் பாசிலுடன் இணைந்து படங்களை தயாரித்து

திருமணத்திற்குப் பிறகு சில ஆண்டுகளாக நடிக்காமல் இருந்த நஸ்ரியா இப்பொழுது மீண்டும் படங்களில் நடிக்க ஆரம்பித்துள்ளார். நடிகையாக மட்டுமல்லாமல் தயாரிப்பாளராகவும் கணவரும் நடிகருமான பகத் பாசிலுடன் இணைந்து படங்களை தயாரித்து வருகிறார். வரதன், கும்பலங்கி நைட்ஸ், சி யு சூன் உள்ளிட்ட படங்கள் இவரது தயாரிப்பில் வெளியாகின.

Recommended Video

நான் Engineering Student | Actress Yuvalatchumi Exclusive | Filmibeat Tamil

நீல வண்ண பட்டாம் பூச்சி போல மனதைக் கொள்ளையடிக்கும்

இதுவரை தமிழ் மற்றும் மலையாள மொழிகளில் மட்டும் நடித்து வந்த நஸ்ரியா முதல்முறையாக தெலுங்கில் நடித்த அறிமுகமாகிறார். அண்டே சுந்தரனிகி என்ற படத்தில் நடிக்க ஒப்பந்தமாகியுள்ளார். நானியின் நடிப்பில் உருவாகும் இந்த படத்தில் விவேக் இயக்கி வருகிறார். விரைவில் தமிழ் படங்களிலும் நடிக்க உள்ள நஸ்ரியா இப்பொழுது நீல வண்ண பட்டாம் பூச்சி போல மனதைக் கொள்ளையடிக்கும் க்யூட்டான புகைப்படங்களை சமூக வலைத்தளத்தில் பதிவிட்டு ரசிகர்களின் மனதை கொள்ளை அடித்துள்ளார்.