நயன்தாரா, சமந்தாவிற்கு போட்டியாக மாறிய நித்யா மேனன்.. குவியும் வாழ்த்து!

சென்னை: தென்னிந்திய சினிமாவில் முன்னணி நாயகியாக வலம் வரும் நடிகை தான் நித்யா மேனன். இவர் தனுஷூடன் இணைந்து 'திருச்​சிற்​றம்​பலம்' படத்தில் சிறப்பான நடிப்பை வெளிப்படுத்தி இருந்தார். இந்த படத்திற்காக சிறந்த நடிகைக்கான தேசிய விருது பெற்றார் நித்யா மேனன். தற்போது இவர் நடிப்பை நாட்டி தயாரிப்பாளராக புது அவதாரம் எடுத்து இருக்கும் இவர், புதிதாக தயாரிப்பு நிறு​வனத்தை தொடங்கி உள்ளார்.

மலையாளத்தில் நடிகையாக தனது திரைப்பயணத்தை துவங்கி நித்யா மேனன் தமிழில், 180, மாலினி 22 பாளை​யங்​கோட்​டை, வெப்பம், இருமுகன், காஞ்​சனா 2, ஓ காதல் கண்​மணி, மெர்​சல், திருச்​சிற்​றம்​பலம், தலைவன் தலைவி, காதலிக்க நேரமில்லை உள்பட பல படங்​களில் நடித்துள்ளார். இவர் கடைசியாக மீண்டும் தனுஷூடன் இணைந்து இட்லி கடை திரைப்படத்தில் நடித்திருந்தார். தற்போது நித்யா மேனன், தமிழ், தெலுங்​கு, மலை​யாளம், கன்​னடப் படங்​களில் பிஸியாக நடித்து வருகிறார்.

Photo Credit:

nithya menen instagram

நடிகை நித்யா மேனன்: அடுத்தடுத்த படங்களில் பிஸியாக நடித்து வரும் நித்யா மேனன், இப்​போது தயாரிப்பு நிறு​வனத்​தைத் தொடங்​கி​யுள்​ளார். இது தொடர்பாக வீடியோ ஒன்றை வெளி​யிட்​டுள்ள இவர், தனது தயாரிப்பு நிறு​வனத்​துக்கு 'கியூரி புரொடக் ஷன்' என்று பெயர் வைத்​துள்​ளார். மேலும், நான் நடிக்​கத் தொடங்​கிய முதல் நாளி​லிருந்தே தயாரிப்பு நிறுவனத்தை தொடங்க வேண்டும் என்பது எனது நோக்​க​மாக இருந்து வரு​கிறது. இப்​போது ஒரு தயாரிப்​பாள​ராக மாறி இருக்கிறேன். நான் தயாரிக்​கும் படங்​கள் மூலம் பார்வையாளர்​களிடம் மாற்​றத்தை ஏற்​படுத்​து​வதே எனது குறிக்​கோள என்று கூறியுள்ளார்.

தயாரிப்பு நிறுவனம்: நடிகை நயன்தாரா தனது கணவர் விக்னேஷ் சிவனுடன் இணைந்து ரௌடி பிக்சர்ஸ் என்ற தயாரிப்பு நிறுவனம் நடத்தி வருகின்றனர். அதே போல நடிகை சமந்தா, ட்ரலலா மூவிஸ் பிக்சர்ஸ் என்ற தயாரிப்பு நிறுவனத்தை தொடங்கி தயாரிப்பில் கவனம் செலுத்தி வருகிறார். அதே பாணியை கையில் எடுத்து இருக்கும் நித்யா மேனன் தயாரிப்பாளராக களமிறங்கி உள்ளார். தயாரிப்பாளர்களின் எண்ணிக்கை அதிகரித்து வருவதால் புதுமுக இயக்குநர்களுக்கும், சின்ன பட்ஜெட் படங்களுக்கும் வாய்ப்பு அதிகரித்துள்ளது.

View this post on Instagram

A post shared by Keyuri (@keyuriproductions)