நெத்தியில் அழுத்தமான முத்தம்.. மற்றுமொரு அழகு .. நித்யா மேனனின் இன்ஸ்டா போஸ்ட் !

உயிரூட்டும் காதல் காட்சிகள்

இயக்குனர் மணிரத்னம் இயக்கத்தில் துல்கர் சல்மான் மற்றும் நித்ய மேனன் நடித்து வெளியான படம் ஓ காதல் கண்மணி. இதில் தற்போது உள்ள காலகட்டத்தில் இருக்கும் சில இளைஞர்களின் வாழ்க்கை முறையை பற்றி அதாவது லிவ்விங் டுகெதர் என்ற மைய கருவை அடிப்படையாக கொண்டு இந்த படத்தை இயக்கி இருப்பார். இதில்ஆதி, தாரா காதல் காட்சிகள் அழகாக கதைக்கு உயிரூட்டி இருக்கும்.

கச்சிதமான நடிப்பு

இதில் நடித்துள்ள துல்கர் சல்மான் "ஆதி" என்ற கதாபாத்திரத்திலும் நித்ய மேனன் தாரா என்ற கதாபாத்திரத்திலும் கச்சிதமாக பொருந்தி நடித்திருப்பார்கள். இந்த படம் வெளியான பொழுது கலவையான விமர்சனங்களை சந்தித்தது. ஆனால் இளைஞர்களியே எப்போது ஒரு நீங்காத இடத்தை இப்படம் பெற்றது. ஓகே கண்மணியில் ஒளிப்பதிவாளராக பணியாற்றியவர் பி.சி.ஸ்ரீராம். அவர் இந்த படம் மட்டுமல்ல மணிரத்னத்தின் அனைத்துப்படங்களிலும் இவர் தான் ஆஸ்த்தான ஒளிப்பதிவாளர்.

நெற்றில் அழுத்தமான முத்தம்

அந்த படத்தில் யாரும் எதிர் பார்க்காத வகையில் கிளைமாக்ஸில் இருவரும் திருமணம் செய்து கொள்வது போல இருக்கும். அப்போது எடுக்கப்பட்ட ஒரு புகைப்படத்தை நித்யா மேனன் தனது இன்ஸ்டாகிராமில் பதிவிட்டு " P.C ஸ்ரீராம் அவர்களின் காப்பகத்தில் இருந்து மற்றுமொரு அழகு" என குறிப்பிட்டு இருந்தார். ஆதி, தாராவின் நெற்றியில் அழுத்தமாக முத்தம் வைத்த அந்த காட்சியை லாவகமாக போட்டோ பிடித்து பல வருடங்கள் கழித்து சில நாட்களுக்கு முன் P.C ஸ்ரீராம் அவர்கள் தனது இன்ஸ்டாகிராமில் பதிவிட்டிருந்தார் அதை இப்போது நித்யா மேனன் மீண்டும் பதிவிட்டு இவ்வாறு குறிப்பிட்டு இருந்தார்.

கூட்டணி மீண்டும் தொடருமா

இதனை பார்த்த நித்யா மேனன் மற்றும் ஓ காதல் கண்மணி ரசிகர்கள் இந்த கூட்டணியை மீண்டும் பார்க்க வாய்ப்புள்ளதா என கேட்டுள்ளனர். மேலும், தமிழ் தெரியாத ரசிகர் ஒருவர். எனக்கு தமிழ் வசனங்கள் புரியாத போதும் இந்த படம் எனக்கும் ரொம்ப பிடித்திருந்தது. இதில் உங்களின் நடிப்பு எனக்கு மிகவும் பிடித்திருந்தது என இந்த படத்தின் மீது தனக்கிருக்கும் அன்பை வெளிப்படுத்தியுள்ளார் அந்த வேற்று மொழி ரசிகை.