ட்விட்டரில் இணைந்தார் நடிகை நித்யா மேனன்..மளமளவென பின்தொடரும் நெட்டிசன்கள்!

நித்யா மேனன்

நித்யா மேனன் துல்கர் சர்மா ஜோடி போட்டு நடித்த ஓ காதல் கண்மணி படத்தை அவ்வளவு எளிதில் யாரும் மறந்துவிட முடியாது. அந்த படத்தில் இருவருக்கும் இடையேயான காதல், ரொமான்ஸ் என அனைத்தும் பக்கவாக அமைந்து இருக்கும். இவர் முன்னணி நடிகர்களில் படங்களில் நடித்திருந்தாலும், பிற்பகுதியில் பல படங்களில் இரண்டாவது கதாநாயகியாகவே நடித்து வருகிறார்.

180 திரைப்படத்தில்

குழந்தை நட்சத்திரமாக தனது திரைப்பயணத்தை தொடங்கிய நித்யா மேனன். 17 வயதில் நடிகையாக துணை கதாபாத்திரத்தில் ஒரு கன்னடப் படத்தில் நடித்தார். அதன்பிறகு கதாநாயகியாக மலையாளத்தில் ஆகாச கோபுரம் என்ற படத்திலும், தமிழில் 180 படத்திலும் தனது அறிமுகத்தை கொடுத்தார். இதையடுத்து, தமிழ் தெலுங்கு மலையாளம் மொழிகளில் இருக்கும் பல முன்னணி இயக்குனர்கள் மற்றும் நடிகர்களுடன் சேர்ந்து நடித்தார்.

திருச்சிற்றம்பலம்

கடந்த மாதம் தனுஷுடன் திருச்சிற்றம்பலம் படத்தில் நடித்துள்ளார். தனுஷின் தோழியாக ஷோபான என்ற ரோல் இவருக்கு மிகவும் பொருத்தமாக இருந்தது. அதுவும் இல்லாமல், இந்த படம் வசூலையும் வாரிக்குவித்துள்ளது. மேலும், மலையாளத்தில் ஆறாம் திருகல்பனா படத்தின் ஷூட்டிங் முடிந்துள்ளார். இத்திரைப்படம் விரைவில் வெளியாக உள்ளது.

ட்விட்டரில் இணைந்தார்

இந்நிலையில், நடிகை நித்யா மேனன், சமூக வலைதளமான ட்விட்டரில் இணைந்துள்ளார். இதனை ட்விட்டர் உறுதி செய்து நீல வண்ண டிக் கொடுத்துள்ளது. அவரை நெட்டிசன்கள் மளமளவென பின் தொடர்ந்து வருகின்றனர். அவருக்கு ரசிகர் அனைவரும் வெல் கம் டூ ட்விட்டர் என வாழ்த்து தெரிவித்து வருகின்றனர்.