தொடர்ந்து ஆடியதால் முட்டி போச்சு.... புலம்பும் "முனியாண்டியம்மா"!

ஹைதராபாத்: பாகுபாலி படத்தில் நடித்து வரும் அனுஷ்கா மற்றொரு வரலாற்றுப் படமான ருத்ரம்மா தேவியிலும் நடித்து வருகிறார்.

அனுஷ்காவுடன் மற்றொரு நடிகையாக நடித்து வருபவர் ஓ காதல் கண்மணி பட புகழ் நித்யா மேனன். இந்த படத்திற்கு இசை இசைஞானி இளையராஜா.

இந்தப் படத்தில் அனுஷ்காவின் உறவினராக முனியாண்டியம்மா என்னும் கதாபாத்திரத்தில் நித்யா மேனன் நடித்து வருகிறார்.

நடிகை அனுஷ்காவுடன் இணைந்து நித்யா மேனன் ஆடும் நடனக் காட்சி ஒன்று சமீபத்தில் படம் பிடிக்கப்பட்டது. அனுஷ்காவை விட நித்யா குள்ளம் என்பதால் ஏழு அங்குல உயரமுள்ள ஹை ஹீல்ஸ் போட்டு டான்ஸ் ஆடி உள்ளார்.

டான்ஸ் ஆடிய போது ஒன்றும் தெரியவில்லை ஆனால் இப்போது என் மூட்டு பெயர்ந்து விட்டது என்று வலியில் புலம்பி வருகிறாராம் நித்யா மேனன்.