தாடியுடன் மீசையுமா ஆளே அடையாளம் தெரியாமல் மாறிய சிம்ரன்!

கனவு கன்னியாக

`திருமணத்திற்குப் பிறகு திரைப்படங்களில் நடிக்காமல் இருந்து வந்த சிம்ரனின் இடத்தை நிரப்ப இன்று வரை எந்த ஒரு நடிகையாலும் முடியாத நிலையில் இன்று வரை இவரின் இடம் வெற்றிடமாகவே இருந்து வருகிறது. அந்த அளவிற்கு நடிப்பு நடனம் என அனைத்திலும் சிறந்து விளங்கிய சிம்ரன் 90 களில் இந்திய சினிமாவின் கனவு கன்னியாக வ++லம் வந்தார்.

இரண்டாவது இன்னிங்சை

இந்தி தமிழ் தெலுங்கு மலையாளம் என எக்கச்சக்கமான திரைப்படங்களில் பல சூப்பர் ஹிட் திரைப்படங்களை கொடுத்துள்ள இவருக்காகவே இன்று வரை ரசிகர்கள் இருந்து வரும் நிலையில் இப்பொழுது தனது இரண்டாவது இன்னிங்சை தொடங்கியுள்ளார்.

அந்தொலஜி திரைப்படம்

இப்பொழுது ஓடிடி தளத்தில் வெளியாகி வெற்றிகரமாக ஓடிக்கொண்டிருக்கும் பாவ கதைகள் அந்தொலஜி திரைப்படத்தில் கௌதம் மேனனுடன் இணைந்து சிறப்பான நடிப்பை வெளிப்படுத்தி அனைவரையும் கண்கலங்க வைத்த சிம்ரன் தனது அடுத்த திரைப்படத்தில் பிரசாந்துடன் இணைந்து நடிக்க உள்ளார்.

தேசிய விருது

இந்தியில் மிகப்பெரிய வெற்றி பெற்ற அந்தாதுன் திரைப்படம் தேசிய விருது உள்ளிட்ட பல விருதுகளை வென்றுள்ள நிலையில் இந்த திரைப்படம் இப்பொழுது தமிழில் ரீமேக் செய்யப்படுகிறது. நடிகரும் இயக்குனருமான தியாகராஜன் இந்தப் படத்தின் தமிழ் உரிமையை பெற்றிருக்க இதில் அவரது மகன் பிரசாந்த் நடித்து வருகிறார்.

மாதவனுடன் இணைந்து

இதுவரை ஆடிப்பாடி அனைவரையும் மகிழ்வித்து கதாநாயகியாக மட்டுமே நடித்து வந்த சிம்ரன் இந்த திரைப்படத்தில் நெகட்டிவ் ரோலில் நடிக்க உள்ளார். அந்தாதுன் தமிழ் ரீமேக்கைத் தொடர்ந்து மாதவனுடன் இணைந்து நடித்துவரும் சிம்ரன் மீண்டும் படங்களில் நடித்து வருவதை பார்த்து ரசிகர்கள் மிகுந்த மகிழ்ச்சியில் உள்ளனர்.

பெரிய வெள்ளை தாடி

இந்த நிலையில் நேற்று கிறிஸ்மஸ் கொண்டாட்டங்கள் படுஜோராக உலகம் முழுவதும் கொண்டாடப்பட்ட நிலையில் இதில் சிம்ரன் கிறிஸ்துமஸ் தாத்தா போல மிகப் பெரிய வெள்ளை தாடி வைத்துக்கொண்டு, சாண்டா தொப்பியும் போட்டுக் கொண்டு ஆளே அடையாளம் தெரியாமல் மாறிப்போய் லேடிஸ் சாண்டாவாக மாறி ரசிகர்களுக்கு கிறிஸ்துமஸ் வாழ்த்துக்களை தெரிவித்துள்ள இந்தப் புகைப்படம் இப்பொழுது அனைவரையும் கவர்ந்து வைரலாகி வருகிறது.