Click it and Unblock the Notifications
கொள்ளை அழகு.. இரண்டு கண்கள் போதாதுங்க.. சன்னி லியோனின் புது வீடியோ.. இளசுகளை மயக்கும் ஆட்டம்!
மும்பை: சன்னி லியோன் பற்றி ஏதாவது கூறுங்கள் என்று பொதுமக்களிடம் மைக்கை நீட்டினால் பெரும்பாலான நபர்கள் சொல்வது அவர் ஒரு ஆபாச பட நடிகை, சினிமாக்களின் ஐட்டம் டான்ஸ் ஆட கூடிய நடிகை, குத்து டான்ஸ் ஆட கூடிய நடிகை என்று தான் கூறுவார்கள். ஆனால் சன்னி லியோனை பற்றி கொஞ்சம் கூடுதலாக தெரிந்த நபர்கள் அவர் கைதேர்ந்த நிகழ்ச்சி தொகுப்பாளர், மூன்று குழந்தைகளுக்கான சிறந்த அம்மா என்றெல்லாம் கூறுவார்கள்.
சன்னி லியோன் சில மாதங்களுக்கு முன்னர் தனியார் யூடியூப் சேனலுக்கு கொடுத்த பேட்டி ஒன்றில் தனது குழந்தைகளுடன் தான் எவ்வாறு நேரம் செலவழிக்கிறேன் என்பதை பற்றியும், குழந்தைகளுக்கு எந்த அளவுக்கு முக்கியத்துவம் கொடுக்க வேண்டும் என்பதை பற்றியும், குழந்தைகளுக்கு என்ன மாதிரியான விஷயங்கள் சொல்லிக் கொடுக்க வேண்டும் என்பது பற்றியும் மிகவும் தெளிவாகவும் அழகாகவும் கூறியிருந்தார். அது பலரது கவனத்தை ஈர்த்தது.
குடும்ப பழக்க வழக்கம்: குறிப்பாக அந்த பேட்டியில், "நானும் எனது கணவரும் கூடுமானவரை குழந்தைகளுடன் நேரம் செலவழிப்பதை விரும்புவோம். நாங்கள் இருவரும் வீட்டில் இருந்தால் குழந்தைகளை பள்ளிக்கு அழைத்துச் செல்வது, பள்ளிக்கு அவர்களை ஏற்பாடு செய்வது, பள்ளியில் இருந்து மறுபடியும் கூட்டி வருவது போன்ற வேலைகளை இருவருமே செய்வோம். எங்கள் குடும்பத்தில் ஒரு பழக்கம் இருக்கிறது அது காலை மற்றும் இரவு உணவுகளை அனைவரும் ஒன்றாக அமர்ந்து சாப்பிடுவது. அதேபோல் வார இறுதி நாட்களில் ஒன்றாகவே இருப்போம். நானோ எனது கணவரோ வீட்டில் இருக்க முடியாத சூழல் ஏற்பட்டால் இருவரில் யாராவது ஒருவர் எங்களுடைய மற்ற வேலைகளை விட்டுவிட்டு குழந்தைகளை பார்த்துக் கொள்வதிலும் குழந்தைகளுடன் நேரம் செலவழிப்பதிலும் மிக கவனமாகவும் தெளிவாகவும் இருக்கிறோம்.
நல்ல நினைவுகளைக் கொடுக்க வேண்டும்: குழந்தைகளுக்கு பெற்றோராக நாம் செய்ய வேண்டியது அவர்களுடன் அதிகப்படியான நேரங்களை செலவழிப்பது தான். அப்போதுதான் அவர்களுக்கு நாம் நிறைய நல்ல விஷயங்களை இயல்பிலேயே கற்றுத் தர முடியும். இப்போது நாங்கள் எங்கள் குழந்தைகளுடன் அதிக நேரம் செலவழிக்கிறோம். அதேநேரத்தில், எங்களால் குழந்தைகளைப் பார்த்துக் கொள்வதற்கு வேலைக்கு ஆட்களை நியமிக்க முடியும். ஆனால், நாங்கள் அவ்வாறு செய்வதில்லை. இதனை குழந்தைகள் வளர்ந்த பின்னர் நமது அம்மா அப்பாவால் நம்மை கவனித்துக் கொள்ள வேலைக்கு ஆட்களை நியமித்திருக்க முடியும். ஆனாலும் அவர்கள் நம்முடன் அதிக நேரம் செலவிட்டனர் என்பதை நினைத்துப் பார்க்கையில் அவர்களுக்கு நாம் நிறைய நல்ல நினைவுகளை உருவாக்கியிருக்கிறோம் என்பதை புரிந்து கொள்வார்கள்.
கல்வியைவிடவும் இது முக்கியம்: குழந்தைகளுக்கு பொய் சொல்ல கூடாது, ஏமாற்றக் கூடாது, திருடக் கூடாது போன்ற குணங்களை சொல்லிக் கொடுக்கவேண்டும். எனது மகளிடம் நான் கூறுவது ஒன்றுதான், அது, நீ படிப்பில் கெட்டிக்காரியாக இருக்கலாம். ஆனால் அதைவிட பெருமையான விஷயம் நீ நல்ல மனிஷியாக இருப்பதே எனக் கூறுவேன் எனக் கூறியிருந்தார். சன்னி லியோனின் இந்த தெளிவான பார்வை மற்றும் உறுதியான அதேநேரத்தில் அன்பான மனோநிலை பலரையும் ஈர்த்தது.
புது வீடியோ: சன்னி லியோன் தனது சமூக வலைதளங்களில் அவ்வப்போது தனது புகைப்படங்களை பதிவிட்டு வருவதை வாடிக்கையாகக் கொண்டுள்ளார். மேலும் அவ்வப்போது ரீல்ஸ் வீடியோக்களயும் பகிர்வார். இந்நிலையில் தற்போது சன்னி லியோன் நடனமாடிய பாடலான, பேபி டால் பாடலுக்கு ரீல்ஸ் செய்து பதிவிட்டுள்ளார். இதற்கு அவரது ரசிகர்கள் லைக் போட்டு வருகின்றனர். சன்னி லியோன் நடிப்பில் அடுத்து வெளியாகவுள்ள தமிழ் படம் என்றால் அது, பிரபுதேவா மற்றும் வேதிகா நடிப்பில் உருவாகியுள்ள பேட்ட ராப் படம்தான்.
Continue with Google