நடிகைகள் பேசத் தயங்கும் விஷயம்.. மெனோபாஸ் பற்றி ஓப்பனாக பேசிய த்ரிஷா!

சென்னை: நடிகர் பிரசாந்த், சிம்ரன் நடித்த 'ஜோடி' படத்தில் சிம்ரனின் தோழியாக ஒரு சின்ன ரோலில் நடித்து அறிமுகம் ஆனவர் தான் நடிகை திரிஷா. அதன் பின் சூர்யாவுடன் இணைந்து 'மௌனம் பேசியதே' படம் மூலம் கதாநாயகியாக மாறினார். 'பொன்னியின் செல்வன்' படத்தில் குந்தவையாக நடித்ததன் மூலம் மீண்டும் தமிழ் சினிமாவின் டாப் கியருக்குச் சென்று இருக்கும் திரிஷாவின் அண்மையில் வெளியாகி மிகப்பெரிய வெற்றியைப் பெற்ற 'கருப்பு' திரைப்படம் வரை, 20 ஆண்டுகளுக்கும் மேலாகத் தனது மார்க்கெட்டை தக்கவைத்துக் கொண்டுள்ளார்.

நடிகை திரிஷா: சினிமா, வெற்றிகள், சர்ச்சைகள் என எப்போதுமே செய்திகளில் இருக்கும் த்ரிஷா, தற்போது பெண்களின் பெரிமெனோபாஸ் இன்ஸ்டாகிராம் பக்கத்தில் வெளிப்படையாக பகிர்ந்துள்ளார். பெண்களுக்கு 40 வயதிற்கு மேல் ஏற்படும் ஹார்மோன் மாற்றங்கள் மற்றும் மாதவிடாய் சுழற்சி முற்றிலும் நின்றுவிடும் 'மெனோபாஸ்' நிலைக்கு முந்தைய காலகட்டத்தைத்தான் மருத்துவ உலகம் 'பெரிமெனோபாஸ்' என்கிறது. "பெரிமெனோபாஸ் என்பது, உங்கள் உடலில் மகிழ்ச்சியைத் தரும் ஹார்மோன்கள் குறைந்து, எதைப் பற்றியும் கவலைப்படாத ஹார்மோன்கள் உங்கள் உடலை ஆதிக்கம் செலுத்தும் ஒரு நிலை என்று ஒருமுறை மருத்துவ நிபுணர் ஒருவர் விளக்கியதைக் கேட்டிருக்கிறேன். இந்த நிலையை இதைவிட யாராலும் இவ்வளவு சிறப்பாக விளக்கிவிட முடியாது என்று த்ரிஷா குறிப்பிட்டுள்ளார்.

பெரிமெனோபாஸ்?: பெண்களுக்கு மாதவிடாய் முற்றிலும் நின்றுவிடும் 'மெனோபாஸ்' நிலையை நோக்கி உடல் நகர்வதற்கான ஆரம்பக் கட்டமே இந்த பெரிமெனோபாஸ் ஆகும். பொதுவாக 40 வயதுகளில் தொடங்கும் இந்த காலகட்டத்தில், பெண்களின் உடலில் ஈஸ்ட்ரோஜன் போன்ற ஹார்மோன்களின் அளவு பெருமளவில் மாறுபடும். இது பெண்களின் உடல்நிலையைப் பொறுத்து சில ஆண்டுகள் வரை நீடிக்கும். இந்த நேரத்தில் மன அழுத்தம், உடல் சோர்வு, திடீர் கோபம் போன்ற பல மாற்றங்களை பெண்கள் எதிர்கொள்வார்கள். இதுகுறித்து தான் த்ரிஷா பதிவிட்டுள்ளார் பொதுவாக நடிகைகள் உடல்நலப் பிரச்சினைகளைப் பொதுவெளியில் பேசத் தயங்கும் நிலையில், நடிகை த்ரிஷா, பெண்கள் பிரச்சனை மிகவும் இயல்பாகவும், பாசிட்டிவாக பதிவிட்டுள்ளதை பலரும் பாராட்டி வருகிறார்கள்.