லாக்டவுன்குள்ள லாக்டவுனா? மோசமான யோசனை.. மேலும் பாழாக்கும்.. கூட்டத்தை பார்த்து கடுப்பான நடிகை!

முழு ஊரடங்கு

இதனை காரணமாக காட்டி பெரும்பாலான இடங்களில் மக்கள் பொது இடங்களில் நடமாட தொடங்கிவிட்டனர். இதனால் கொரோனா, சென்னை, கோவை, மதுரை உள்ளிட்ட மாவட்டங்களில் கட்டுக்குள் வராமல் உள்ளது. இதனை கட்டுப்படுத்தும் வகையில் நாளை முதல் நான்கு நாட்களுக்கு தமிழக அரசு முழு ஊரடங்கை அறிவித்துள்ளது.

மார்க்கெட்டில் கூட்டம்

நான்கு நாட்கள் முழு ஊரடங்கு அறிவிப்பால் இன்று காலை முதலே கூட்டம் கூட்டமாக கடைத் தெருவுகளில் குவிந்தனர். சோஷியல் டிஸ்டன்ஸ் என்ற விஷயத்தையே மறந்து மக்கள் மிகவும் நெருக்கமாக மார்க்கெட் பகுதிகளில் கூடியுள்ளனர். இதனால் கொரோனா வைரஸ் வேகமாக பரவும் சூழல் எற்பட்டுள்ளது.

மோசமான யோசனை

இந்நிலையில் இதுகுறித்து நடிகை வரலட்சுமி, தனது டிவிட்டர் பக்கத்தில் கருத்து தெரிவித்துள்ளார். மேலும் மக்கள் கூட்டமாக இருக்கும் போட்டோவை ஷேர் செய்துள்ள வரலட்சுமி, லாக்டவுன்குள்ள லாக்டவுனா? இது மிகவும் மோசமான யோசனை, முற்றிலும் திட்டமிடப்படாத நடவடிக்கை.. இது மேலும் மோசமாக்கும் என்று தெரிவித்துள்ளார்.

ரொம்ப மோசம்

நடிகை வரலட்சுமியின் இந்த கருத்தை பலரும் ஆதரித்துள்ளனர். வரலட்சுமியின் டிவிட்டை பார்த்த இந்த ரசிகர், 4 நாட்கள் முழு லாக்டவுன் என்று சொல்லாமல் இருந்திருந்தால் கூட பிரச்சனை ஆயிருக்காது.. இப்போ சூழ்நிலை ரொம்ப மோசமாகிவிட்டது என்று கூறியிருக்கிறார்.

இது எந்த ஏரியா?

வரலட்சுமி ஷேர் செய்திருக்கும் போட்டோவை பார்த்த இந்த நெட்டிசன், ரொம்ப மோசமான விஷயம் நடந்திருக்குது. இது எந்த ஏரியா என கேட்டுள்ளார். மற்றொரு நெட்டிசன், இப்படி இருந்தால் வைரஸ் தொற்று கண்டிப்பாக வரும்.. உண்மைதான் என கூறியிருக்கிறார்.