க்யூட் கவுனில் க்யூட் போட்டோஸ்.. ரசிகர்களை கவர என்னவெல்லாம் பண்றாங்க வரலட்சுமி சரத்குமார்!
சென்னை : நடிகை வரலட்சுமி சரத்குமார், சரத்குமாருக்கும் அவருடைய முதல் மனைவிக்கும் பிறந்தவர்.
Recommended Video
நல்ல நடிகையாக தன்னை தென்னிந்திய அளவில் நிலை நிறுத்திக் கொண்டுள்ள இவர், விஜய் உள்ளிட்ட முன்னணி நடிகர்களுடன் பல படங்களில் நடித்து வருகிறார்.
கோலிவுட்டில் போடா போடி படத்தின்மூலம் அறிமுகமான இவர், அடுத்தடுத்து தன்னுடைய உடல் எடையை குறைத்து தற்போது ஸ்லிம்மாக ரசிகர்களை கவரும்வகையில் உள்ளார்.

நடிகை வரலட்சுமி சரத்குமார்
நடிகை வரலட்சுமி சரத்குமார், சிம்புவுடன் போடா போடி படத்தின் மூலம் அறிமுகமானவர். விக்னேஷ் சிவன் இயக்கத்தில் வெளியான இந்தப் படத்தில் சிம்புவிற்கு அக்கா போல தோற்றத்தில் இவர் இருந்ததாக விமர்சனங்கள் எழுந்தன. அந்த அளவிற்கு உடல் பருத்து காணப்பட்டார் வரலட்சுமி.

ஸ்லிம்மான வரலட்சுமி
இதையடுத்து தொடர்ந்து தன்னுடைய உடலில் சிறப்பான கவனம் செலுத்தி வருகிறார். தற்போது தனது உடல் எடையை குறைத்து மிகவும் ஸ்லிம்மாக காணப்படுகிறார். படங்களிலும் சிறப்பான கவனத்தை செலுத்தி வருகிறார். தமிழ், தெலுங்கு, மலையாளம், கன்னடம் என பிசியாக நடித்து வருகிறார்.

அடுத்தடுத்த படங்கள்
தாரை தப்பட்டை, மாரி 2, விக்ரம் வேதா, சண்டக்கோழி, சர்க்கார் போன்ற படங்களில் இவர் சிறப்பான நடிப்பை வெளிப்படுத்தி ரசிகர்களை கவர்ந்துள்ள நிலையில், தொடர்ந்து அடுத்தடுத்த படங்களில் கமிட்டாகி வருகிறார். குறிப்பாக விஜய்யின் சர்க்கார் படத்தில் அரசியல்வாதியாக இவர் ஏற்று நடித்திருந்த கேரக்டர் மிகுந்த வரவேற்பை பெற்றது.

திருமணம் செய்யாத வரலட்சுமி
37 வயதான இவர் இன்னமும் தன்னுடைய திருமணம் குறித்து யோசிக்காமல் உள்ளார் வரலட்சுமி. பிரபல தமிழ் நடிகருடன் இவருக்கு காதல் ஏற்பட்டு பின்பு அது பிரேக் அப் ஆனதாகவும் அதனால்தான் திருமணத்தில் ஆர்வம் இல்லாமல் இருக்கிறார் என்றும் தொடர்ந்து தகவல்கள் வெளியானவண்ணம் உள்ளன.

தோல்வியில் முடிந்த ராதிகா முயற்சி
இவருக்கு எப்படியாவது திருமணம் செய்து வைத்துவிட வேண்டும் என்று இவருடைய தந்தை சரத்குமாரின் மனைவி ராதிகா மிகுந்த முயற்சி எடுத்த போதிலும் அது அனைத்திலும் தோல்வியே ஏற்பட்டுள்ளது. ஆயினும் தன்னுடைய மனநிலையை சிறப்பாக பராமரித்து வருகிறார் வரலட்சுமி. தற்போது இவர் வெளியிட்டுள்ள போட்டோஷுட் புகைப்படங்கள் அழகு அள்ளுகிறது.


Click it and Unblock the Notifications











