2012ல் டோலிவுட்டை கலக்கிய காஜல், சமந்தா, ஸ்ருதி, நயன், த்ரிஷா

காஜல் அகர்வால்

சமத்துப் பொண்ணு காஜல் மகேஷ் பாபுவுடன் சேர்ந்து நடித்த பிசினஸ்மேன் சூப்பர் ஹிட்டானது. அதில் காஜலின் நடிப்பும் வெகுவாகப் பாராட்டப்பட்டது. கடந்த ஆண்டு அவர் நடித்த இன்னொரு படம் சார் ஒச்சாரு அவ்வளவாக ஓடவில்லை.

சமந்தா

சமந்தா சுதீப் மற்றும் நானியுடன் சேர்ந்து நடித்த ஈகா படம் கண்டமேனிக்கு ஓடியது. அதையடுத்து வெளியான எட்டோ வெள்ளிப்போயிந்தி மனசு சுமாராகத் தான் ஓடியது.

ஸ்ருதி ஹாசன்

தெலுங்கில் தோல்விப் படங்களாக இருக்கிறதே என்று நொந்த ஸ்ருதிக்கு பவன் கல்யாணுடன் சேர்ந்து தபாங் ரீமேக்கான கப்பார் சிங்கில் நடிக்கும் வாய்ப்பு கிடைத்தது. கப்பார் சிங் சூப்பர் டூப்பர் ஹிட்டாகவே ஸ்ருதிக்கு வாய்ப்புகள் வந்து குவிகின்றன.

தமன்னா

கடந்த ஆண்டு தமன்னா ரச்சா, எந்துகண்டே பிரேமன்டா, ரெபல், கேமராமேன் கங்காதோ ராம்பாபு ஆகிய 4 படங்களில் நடித்தார். ஆனால் ராம்சரண் தேஜாவுடன் அவர் நடித்த ரச்சா மட்டும் தான் ஹிட்டானது.

இலியானா

இலியானா 2012ல் பாலிவுட்டில் பிசியாக இருந்ததால் டோலிவுட்டில் ஜுலாயி மற்றும் தேவுடு சேசின மனுஷுலு ஆகிய 2 படங்களில் மட்டுமே நடித்தார். அதில் ஜூலாயி படம் மட்டுமே ஹிட்.

த்ரிஷா

தெலுங்கு நடிகர் வெங்கடேஷுடன் சேர்ந்து த்ரிஷா நடித்த பாடிகார்ட் ஓரளவுக்கு ஓடியது. ஜூனியர் என்.டி.ஆர், கார்த்திகா ஆகியோருடன் சேர்ந்து நடித்த தம்மு படம் ஹிட்டானது.

நயன்தாரா

கடந்த ஆண்டு நயன்தாராவின் ஒரேயொரு தெலுங்கு படம் தான் ரிலீஸ் ஆனது. ராணா டக்குபாதியுடன் சேர்ந்து நயன் நடித்த கிருஷ்ணம் வந்தே ஜெகத்குரும் ஹிட்டானது. மேலும் நயன் தனது நடிப்பால் ஆந்திர மக்களை கவர்ந்தார்.