அர்ஜூன் மகளுக்கு அடுத்தடுத்து வாய்ப்புகள்!

By Shankar

| Published: Monday, July 22, 2013, 17:15 [IST]

சென்னை: அர்ஜுன் மகள் ஐஸ்வர்யாவுக்கு அடுத்தடுத்து வாய்ப்புகள் வரத் தொடங்கியுள்ளன.

அர்ஜூன் மகள் ஐஸ்வர்யா அறிமுகமாகும் படம் பட்டத்து யானை. இதில் அவர் விஷாலுக்கு ஜோடியாக நடித்துள்ளார்.

இந்தப் படம் குறித்து பாஸிடிவான செய்திகள் பரவியிருப்பதால், முதல் படத்திலேயே எதிர்ப்பார்ப்புக்குரிய நாயகியாகிவிட்டார்.

படத்தின் ப்ளஸ்களுள் ஐஸ்வர்யாவின் அழகும் நடிப்பும் முக்கியமானவை என்று கூறப்படுவதால், அவரை ஒப்பந்தம் செய்ய இரு நிறுவனங்கள் முனைப்பு காட்டி வருகின்றன.

ஆனால் அர்ஜூனோ படம் வெளியான பிறகு புதிய படங்கள் குறித்து பேச்சுவார்த்தை நடத்தலாம் என கூறி அனுப்பி வைத்துவிட்டாராம். இதற்கிடையே அர்ஜூனின் நெருக்கமான நண்பர்கள் நிறைய உள்ள தெலுங்குப் பட உலகிலும் ஐஸ்வர்யாவுக்கு ஆஃபர்கள் வந்துள்ளனவாம்.

ஐஸ்வர்யாவுக்கு கிடைத்துள்ள இந்த கூடுதல் முக்கியத்துவம் கோலிவுட்டின் மற்ற நாயகிகளுக்கு கொஞ்சம் கலக்கத்தை உண்டாக்கியுள்ளது.

ஐஸ்வர்யா நடித்துள்ள பட்டத்து யானை இந்த வெள்ளிக்கிழமை வெளியாகிறது.