இது, மைனாப் பொண்ணோட புது ஹேர்ஸ்டைல்....

சென்னை: மைனா படம் மூலம் ரசிகர்களின் மனதில் நீங்கா இடம் பிடித்தவர் அமலாபால். விஜய் ஜோடியாக அமலா பால் நடித்த தலைவா படம் சமீபத்தில் பல்வேறு தடைகளைத் தாண்டி திரைக்கு வந்தது. தற்போது, தனுஷ் ஜோடியாக 'வேலையில்லாப் பட்டதாரி' படத்தில் நடித்து வருகிறார் அமலா.

இப்படத்தில் டாக்டராக நடிக்கிறாராம் அமலா பால். இப்படத்திற்காக தனது ஹேர்ஸ்டைலை வித்தியாசமாக மாற்றி அமைத்து இருக்கிறார். பொதுவாக இவரது ஹேர்ஸ்டைல்கள் அனைத்தும் சற்று சுருண்டு நெளிந்து அலைபாயும் கூந்தலாகவே இருக்கும்.

ஆனால், இந்த புதிய ஹேர்ஸ்டைலோ சற்று வித்தியாசமாக உள்ளது. புதிய ஹேர்ஸ்டைலுடன் அழகாக, குறும்புத்தனமாக உள்ள தனது புகைப்படங்களை ட்விட்டரில் வெளியிட்டிருக்கிறார் அமலாபால்.

அத்தோடு சேர்த்து பின்வரும் கருத்துக்களையும் வெளியிட்டுள்ளார். அதில், ' புதிய ஹேர்ஸ்டைல். புது லுக்குடன், தயாராகிவரும் புதிய படத்திற்குத் தயாராகி விட்டேன். இந்த ஹேர்கட் மூலம் என்னை நானே புதுப்பித்துக் கொண்டது போன்று புத்துணர்ச்சியோடு உணர்கிறேன். எனக்குள் இருக்கும் மழலைத்தன்னைமையை இந்த ஹேர்ஸ்டைல் வெளிக்காட்டுவதாக அமைந்துள்ளது' எனத் தெரிவித்துள்ளார் அமலாபால்.