சிவப்புநிற காஞ்சிப்பட்டுப் புடவையில் மணப்பெண்ணாக ஜொலிக்கப்போகும் அமலாபால்

சென்னை: திருமணதினத்தன்று மணப்பெண் அமலாபால் சிவப்புநிற காஞ்சிப்பட்டுடுத்தி இந்துமுறைப்படி தாலி கட்டிக்கொள்வார் என்று தகவல்கள் வெளியாகியுள்ளன.

ஊடகங்களில் அடிபடும் லேட்டஸ்ட் செய்தி நடிகை அமலாபால் இயக்குநர் விஜய் திருமணம்தான்

திருமண அழைப்பிதழ் கொடுப்பது தொடங்கி நிச்சயம், மணநாளிற்குத்தேவையான ஆடைகள், நகைகள் வாங்குவதுவரைக்கும் புதுஜோடிகள் பயங்கர பிஸியாக நகரை வலம் வருகின்றனர்.

இவர்களின் திருமணம் 12-ந்தேதி சென்னை சாந்தோமில் உள்ள ராமநாதன் செட்டியார் மண்டபத்தில் திருமணம் நடக்கிறது. முன்னதாக 7-ந்தேதி கொச்சியில் திருமண நிச்சயதார்த்தம் நடக்கிறது.

கிருஸ்துவமுறைப்படி நிச்சயம்

விஜய் இந்து மதத்தை சேர்ந்தவர். அமலாபால் கிறிஸ்தவ மதம், எனவே இரண்டு மத முறைப்படியும் திருமண சடங்குகளை நடத்த உள்ளனர். நிச்சயதார்த்தத்தை கிறிஸ்தவ முறையில் நடத்துகிறார்கள்.

வெந்நிற தேவதையாய்

இது குறித்து அமலாபால் தாய் கூறும்போது, கிறிஸ்தவ பாரம்பரிய முறைப்படி திருமண நிச்சயதார்த்தத்தில் அமலாபால் வெள்ளை நிற கவுன் அணிவார்.

சங்கு கழுத்துக்கு வைர நெக்லஸ்

இந்த கவுனை டிசைனர் அனிதா தயார் செய்துள்ளார். அத்துடன் வைர நெக்லசும் அணிந்து கொள்ள இருக்கிறார்.

சிவப்பு காஞ்சிப்பட்டுப்புடவை

திருமணம் இந்து பாரம்பரிய முறையில் அதுவும் நாட்டுக்கோட்டை செட்டியார்கள் பாணியில் நடைபெறுகிறது. இதில் அமலாபால் சிவப்பு நிற காஞ்சீபுரம் பட்டுபுடவை அணிந்து கொள்கிறார்.

சிறப்பு அலங்காரம்

மணநாளில் தேவதையாய் ஜொலிக்க அமலாபால் தனிகவனம் செலுத்தி வருகிறாராம். ரிசப்சனுக்கு என்னமாதிரியான ஆடை அணிவது எப்படி அலங்காரம் செய்வது என்று மாப்பிள்ளை விஜயுடன் ஆலோசனை செய்து வருகிறாராம்.

தனித்தனி நகைகள்

இந்த மூன்று விசேசத்திற்காகவும் ஆடைகள் நகைகள் வாங்கும் பணியில் அமலாபால் தீவிரமாக ஈடுபட்டு உள்ளார். நிச்சயதார்த்தம், திருமணம் மற்றும் திருமண வரவேற்புக்கு என தனித்தனி நகை மற்றும் ஆடைகள் வாங்குகிறார் என்றார் அமலாவின் தாயார்.

அமலாவின் கடைசி படம்

அமலாபால் கைவசம் மிலி என்ற மலையாள படம் மட்டுமே உள்ளது. இதை திருமணத்துக்கு முன்னதாக முடித்து கொடுத்து விடுகிறார். வேறு படங்களில் நடிக்க வாய்ப்புகள் வந்தும் மறுத்து விட்டார். திருமணத்துக்கு பிறகு சினிமாவில் நடிப்பது இல்லை என்று முடிவு செய்துள்ளார்.

அழைப்பிதழ் கொடுத்த அமலா

நடிகர், நடிகைகள் உள்ளிட்ட திரையுலகினர் மற்றும் குடும்பத்தினருக்கு அழைப்பிதழ் கொடுக்கும் பணியில் அமலாபால், விஜய் தீவிரமாக ஈடுபட்டு உள்ளனர்.