முப்பொழுதும் உன் கற்பனைகள் என்னை மேலும் உயரத்திற்கு உயர்த்தும்- அமலா பால்

By Sudha

| Published: Friday, September 2, 2011, 14:29 [IST]

மைனா படத்தில் கிடைத்த புகழை விட, முப்பொழுதும் உன் கற்பனைகள் படம் என்னை மேலும் உயரத்திற்கு கொண்டு செல்லும் என்று கூறியுள்ளார் தமிழ் சினிமாவின் லேட்டஸ்ட் 'ஹாட் கேக்' அமலா பால்.

மைனா படத்தின் மூலம் அனைவரையும் தன் பக்கம் வசீகரித்தவர் அமலா பால். தற்போது பார்த்துப் பார்த்து கதைகளைத் தேர்வு செய்து நிதானமாக முன்னணி நடிகர்களுடன் இணைந்து நடித்து வருகிறார்.

தெய்வத் திருமகளுடன் விக்ரமுடன் இணைந்து நடித்தார். தற்போது முரளி மகன் அதர்வாவுடன் இணைந்து முப்பொழுதும் உன் கற்பனைகள் படத்தில் நடித்து வருகிறார். இதில் அமெரிக்காவிலிருந்து திரும்பி பெங்களூரில் வசிக்கும் பெண்ணாக வருகிறார்.

இப்படம் குறித்து அமலாவிடம் கேட்டபோது, இது என்னை மைனாவை விட மேலும் உயரத்திற்குக் கொண்டு செல்லும். இப்படத்தின் கதாபாத்திரம், கிட்டத்தட்ட எனது கனவுக் கதாபாத்திரம் ஆகும். இதனால் ரசித்து நடித்து வருகிறேன். இப்படத்தில் நடிப்பது பெருமையாகவும், சந்தோஷமாகவும் இருக்கிறது என்றார் அமலா.