கடாவர் வெற்றி..முகத்தில் மின்னும் அழகு..முழுமையாக மாறிய அமலா பால்!

அமலா பால்

அமலா பால் நடித்த மைனா திரைப்படம் அவருக்கு நல்ல பெயரை பெற்றுத்தந்தது. அதன் பின்னர் விஜய்யுடன் தலைவா, தனுசுடன் வேலையில்லா பட்டதாரி, ஜெயம் ரவி உடன் நிமிர்ந்து நில், அதர்வா உடன் முப்பொழுதும் உன் கற்பனை என பல படத்தில் நடித்து முன்னணி நடிகை என பெயர் எடுத்தார்.

பிரிந்தனர்

இயக்குநர் விஜய் என்பவரை காதலித்து திருமணம் செய்து கொண்ட அமலா பால் பின்னர் கருத்து வேறுபாடு காரணமாக அவரைவிட்டு பிரிந்து படங்களில் கவனம் செலுத்தினார். ரத்னகுமார் இயக்கத்தில் உருவான ஆடை படத்தில் ஆடை இல்லாமல் நடித்து மீண்டும் சர்ச்சையில் சிக்கி, ஆடை திரைப்படத்திற்கு பின் கிட்டத்தட்ட 4 ஆண்டுகள் படவாய்ப்பு இல்லாமல் இருந்தார்.

கடாவர்

நடிகையாக மட்டும் இருந்த அமலா பால் கடாவர் படத்தை தயாரித்து தயாரிப்பாளராக மாறியுள்ளார். க்ரைம் த்ரில்லர் திரைப்படமான கடாவர் திரைப்படம் டிஸ்னிப்ளஸ் ஹாட்ஸ்டாரில் ஆகஸ்ட் 12-ந் தேதி வெளியானது இந்த படத்தில் அமலா பால் தோற்றம், நடிப்பு என அனைத்திலும் ஒட்டுமொத்தமாக வித்தியாசத்தை காட்டி ஸ்கோரை அள்ளி உள்ளார். கடாவர் படத்தை அனைவரும் பாராட்டி வருகின்றனர்.

அதோ அந்த பறவை போல

தற்போது ஆடு ஜீவிதம், ஆசிரியர் என்னும் என்னும் மலையாள படங்களில் அமலா பால் நடித்து வருகிறார். மேலும், நீண்டநாட்களாக வெளியாகாமல் இருந்த அதோ அந்த பறவை போல படம் விரைவில் திரைக்கு வரவுள்ளது. ஆக்ஷன் நாடகமான இதை அறிமுக இயக்குனர் கே ஆர் வினோத் இயக்கியுள்ளார். இந்தப் படம் ஆகஸ்ட் 26 ஆம் தேதி திரைக்கானும் என அறிவிக்கப்பட்டுள்ளது.

கேரள பாரம்பரிய உடையில்

நீண்டநாட்களாக விரக்தியாக பேசிவந்த அமலா, கடாவர் படத்தின் வெற்றியால் முழுமையாக மாறியுள்ளார். இன்ஸ்டாவில் மலையாள பாரம்பரிய உடையில் இருக்கும் புகைப்படத்தை பகிர்ந்து கருத்து கூறியுள்ளார்.அதில் நீங்கள் ஏன் பிரார்த்தனை செய்கிறீர்கள்? பெண்களுக்கும் ஆற்றலுக்கும், வளர்ப்பு மற்றும் மென்மையான அன்பான கவனிப்பு தேவை. மனத்திற்குள்ளே இருக்கும் தேவியை சக்திப்படுத்த நேரம் ஒதுக்குங்கள். அவளுடைய வலிமையை உணருங்கள் என பதிவிட்டுள்ளார்.