தொடர்ந்து தொந்தரவு செய்த கணவர்.. கன்னத்தில் அடித்த அமலா பால்.. ட்ரெண்டாகும் வீடியோ

சென்னை: அமலா பால் தமிழ் சினிமாவில் டாப் 10 நடிகைகளில் ஒருவராக வலம் வந்தவர். விஜய்யுடன் தலைவா படத்தில் நடித்தபோது அந்தப் படத்தின் இயக்குநர் ஏ.எல்.விஜய்யை காதலித்து திருமணம் செய்துகொண்டார். ஆனால் அவர்களது திருமணம் விவாகரத்தில் முடிந்தது. இதனையடுத்து அவர் இரண்டவது திருமணம் செய்துகொண்டார். இப்போது கர்ப்பமாகவும் இருக்கிறார். இந்தச் சூழலில் அவர் வெளியிட்டிருக்கும் வீடியோ ஒன்று சமூக வலைதளங்களில் ட்ரெண்டாகியுள்ளது.

சிந்து சமவெளி படத்தின் மூலம் நடிகையாக அறிமுகமானவர் அமலா பால். முதல் படம் தோல்வியடைந்தாலும் அந்தப் படத்தின் கதைக்களமும், அமலா பால் ஏற்றிருந்த கதாபாத்திரமும் சர்ச்சைக்குரியதாக இருந்தது. இதன் காரணமாக அமலா பால் பலரது கவனத்துக்கு உள்ளானார். தொடர்ந்து அவருக்கு தமிழில் பட வாய்ப்புகள் வர ஆரம்பித்தன. அப்படி நடித்த மைனா படம் ஹிட்டாக முன்னணி ஹீரோயின் என்ற இடத்துக்கு நகர்ந்தார். அதற்கு விஜய், ஆர்யா உள்ளிட்டோருடன் இணைந்து நடித்தார்.

ஏ.எல்.விஜய்யுடன் திருமணம்: தலைவா படத்தில் நடித்தபோது அமலா பாலும் இயக்குநர் ஏ.எல்.விஜய்யும் காதலித்தனர். பாரம்பரிய குடும்பத்தை சேர்ந்த ஏ.எல்.விஜய் அமலா பாலை திருமணம் செய்துகொண்டார். அவர்களது திருமண வாழ்க்கை சுமூகமாக போய்க்கொண்டிருந்த சூழலில் திடீரென இரண்டு பேரும் விவாகரத்து செய்தனர். அவர்களது விவாகரத்துக்கு காரணமாக பல யூகங்கள் கூறப்பட்டன. ஆனால் அதுகுறித்து இருவரும் அமைதி காக்க ஏ.எல்.விஜய் இரண்டாவது திருமணம் செய்துகொண்டார்.

அமலா பாலின் கரியர்: விவாகரத்துக்கு பிறகு அமலா பால் தொடர்ந்து நடித்துவருகிறார். அந்தவகையில் ரத்னகுமார் இயக்கத்தில் அவர் நடித்த ஆடை படத்தில் நிர்வாணமாக தோன்றி பரபரப்பாக பேசவைத்தார் அமலா பால். தொடர்ந்து கடாவர் உள்ளிட்ட படங்களில் நடித்தார். இதற்கிடையே அமலா பால் பாடகர் பவிந்தர் சிங் என்பவரை காதலிப்பதாகவும் இருவருக்கும் திருமணமே நடந்துவிட்டதாகவும் தொடர்ந்து பேசப்பட்டுவந்தது. ஆனால் அமலா பால் அமைதியாகவே இருந்தார்.

இரண்டாவது திருமணம்: இந்தச் சூழலில் ஜகத் தேசாய் என்பவரை இரண்டாவது திருமணம் செய்துகொண்டார் அமலா பால். அவர் இப்போது நிறைமாத கர்ப்பிணியாக இருக்கிறார். சினிமாவை பொறுத்தவரை பிருத்விராஜுடன் ஆடுஜீவிதம் படத்தில் கடைசியாக நடித்திருந்தார். குழந்தை பெற்றுக்கொண்ட பிறகும் அமலா பால் தொடர்ந்து நடிப்பார் என்றே எதிர்பார்க்கப்படுகிறது.

க்யூட் வீடியோ: இதற்கிடையே அமலா பால் தன்னுடைய இன்ஸ்டாகிராம் பக்கத்தில் தனது தொடர்பான வீடியோ, புகைப்படங்களை வெளியிடுவது வழக்கம். அந்தவகையில் இப்போது அவர் புதிய வீடியோ ஒன்றை வெளியிட்டிருக்கிறார். இப்போது அவர் வெளியிட்டிருக்கும் வீடியோவில் அமலா பாலும், ஜகத் தேசாயும் அருகருகே அமர்ந்து பேசிக்கொண்டிருக்கின்றனர். அப்போது அமலா பாலிடம் ஜகத் குறும்புத்தனம் செய்ய; ஒருகட்டத்தில் பொறுமை இழந்த அமலா பால் ஜகத் தேசாயின் கன்னத்தில் செல்லமாக அடிக்கிறார். அந்த வீடியோ சமூக வலைதளங்களில் ட்ரெண்டாகியுள்ளது. மேலும் அதை பார்த்த ரசிகர்கள் செம க்யூட்டா இருக்கே என்று கமெண்ட்ஸ் செய்துவருகின்றனர்.