நடிகை அமலா பால் கர்ப்பம்?

சென்னை: நடிகை அமலா பால் ட்விட்டரில் தெரிவித்திருக்கும் செய்தியை பார்த்தால் அவர் கர்ப்பமாக இருக்கக்கூடும் என்று கூறப்படுகிறது.

நடிகை அமலா பால் தனது காதலரான இயக்குனர் ஏ.எல். விஜய்யை இருவீட்டார் சம்மதத்துடன் கடந்த ஜூன் மாதம் 12ம் தேதி திருமணம் செய்து கொண்டார். அவர்களின் திருமணம் இந்து முறைப்படி சென்னையில் நடைபெற்றது. இந்நிலையில் இன்று அமலா தனது 22வது பிறந்தநாளை கொண்டாடுகிறார்.

பிறந்தநாளையொட்டி விஜய் அமலாவை மகாவுக்கு அழைத்துச் சென்றுள்ளார். இது குறித்து அமலா ட்விட்டரில் கூறியிருப்பதாவது,

நேரம் ஓடுகிறது ஆண்டுதோறும் நம் வயது அதிகரிக்கிறது. எனக்கும் தான் இன்று. ஒரு பெண் விரும்புவதை என் விஜய் எனக்கு பரிசாக அளித்துள்ளார். எனக்கு என்ன சொல்வது என்றே தெரியவில்லை ஆனால் ஒரு விஷயம் நான் ஆசிர்வதிக்கப்பட்ட குழந்தை. நன்றி கடவுளே... என்று தெரிவித்துள்ளார்.

அவர் போட்டிருக்கும் ட்வீட்டை பார்த்தால் அவர் கர்ப்பமாக இருக்கக்கூடும் என்று நினைத்து ரசிகர்கள் அவருக்கு வாழ்த்துக்கள் தெரிவித்துள்ளனர்.

பிறந்தநாள் வாழ்த்துக்கள் அமலா...