twitter
    For Quick Alerts
    ALLOW NOTIFICATIONS  
    For Daily Alerts

    லேகா ரத்னகுமாரின் அடுத்த ரிலீஸ் 'லேகாஃபுட்ஸ்'!

    By Shankar
    |

    Sanam Shetty
    விளம்பரம், சினிமா, இசை என பல தளங்களில் இயங்குபவர் லேகா ரத்னகுமார். வழக்கமாக படத்தின் பெயரால்தான் நடிகைகள் அறியப்படுவார்கள். ஆனால் லேகா புண்ணியத்தால், நல்லெண்ணெய் சித்ரா என ஒரு தயாரிப்பின் பெயரால் பிரபலமானவர் நடிகை சித்ரா.

    இவர் மட்டுமல்ல, ஜோதிகா, சினேகா, பாக்யராஜ், பூர்ணிமா என அத்தனை பிரபலங்களையும் தனது விளம்பரப் படங்களில் நடிக்க வைத்து புதுப்புது ஐடியாக்களில் விளம்பரப் படங்களை ரிலீஸ் செய்த லேகா ரத்னகுமாரின் அடுத்த ரிலீஸ் லேகாஃபுட்ஸ். இது விளம்பரம் மட்டுமல்ல, ஒரு இணையதளமும் கூட.

    உலகின் அத்தனை வகை உணவுகள், அதன் செய்முறை, கலர்புல் படங்கள் என பக்காவான தகவல்கள் அடங்கிய இணைய தளம் இது. கிட்டத்தட்ட 30 ஆயிரம் சுவையான ரெஸிபிக்கள் இதில் உண்டு.

    லேகாஃபுட்ஸ்.காம் எனும் இந்த இணையதளத்துக்காக ஒரு தனி விளம்பரப் படமும் தயாரித்துள்ளார். இந்தப் படத்தில் விளம்பர மாடலாக நடித்துள்ளார் நடிகை சனம் ஷெட்டி. அம்புலி பட ஹீரோயின்.

    என்ன திடீர்னு சமையல், இணையதளம்னு இறங்கிட்டீங்க? என்று ஆரம்பித்தோம்.

    இது திடீர் யோசனை அல்ல. பல ஆண்டுகளாக மனதில் இருந்த திட்டம். என்னுடைய ஆரம்ப நாட்களில் சமையல் பொருள்கள், பருப்புப் பொடி போன்றவற்றை பேக் செய்து விற்பனை செய்தோம். அப்போதே ஹோட்டல் ஆரம்பிக்க வேண்டும் என்று முடிவு செய்து அதற்கான முயற்சிகளில் இறங்கினோம்.

    ஆனால் விளம்பரப் படங்கள், இசை, சினிமா, தொலைக்காட்சி தொடர்கள் என பரபரப்பாகிவிட்டோம்.

    ஆனால் மனசுக்குள் இந்த சமையல் - ஹோட்டல் இரண்டும் ஒரு மூலையில் இருந்து கொண்டே இருந்தது. நான் இயக்கும் விளம்பரப் படங்களும் கூட சமையலுடன் தொடர்புடையவைதான். சரி, இப்போதைக்கு, நல்ல உணவுகள் எவை என்பதை மக்களுக்கு எழுத்தில் காட்டுவோம். இதை பெரிய அளவில் செய்யலாம் என்றுதான் லேகாஃபுட்ஸ் எனும் இந்த தளத்தை தொடங்கியுள்ளேன்.

    இதில் வரும் உணவுக் குறிப்புகள் அத்தனையும் ஒரிஜினலானவை. பல்வேறு நாடுகளைச் சேர்ந்த சமையல் கலைஞர்கள், எழுத்தாளர்கள் ரெஸிபிகளை எங்களுக்கு எழுதிக் கொடுக்கிறார்கள்.

    விரைவில், இந்த தளத்துக்காகவே சமையல் செய்முறை விளக்கங்களை வீடியோவாக எடுத்து நேரடியாக வெளியிடத் திட்டமிட்டுள்ளேன்," என்றார்.

    இந்த தளத்துக்காக எடுக்கப்பட்ட 3 நிமிடங்கள் ஓடக்கூடிய அசத்தலான விளம்பரப் படத்தில்தான் சனம் ஷெட்டி நடித்துள்ளார். இந்த விளம்பரம் யு ட்யூப்பிலும் ரிலீசாகிறது.

    விரைவில் உலகளாவிய சமையல் போட்டியொன்றை நடத்தவிருக்கும் லேகா, ஐபோன் மற்றும் ஐபேட்களை அதற்குப் பரிசாக அறிவிக்கப் போகிறாராம்.

    English summary
    Well known ad film maker and film musician Lekha Rathnakumar has made an ad film for his recently launched cookery site lekhafoods. The heroine of Ambuli movie, Sanam Sheddy has played in the ad film.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X