அப்பாவிற்கு மாரடைப்பு .. லண்டன் விரைந்தார் எமி ஜாக்சன்

சென்னை:நடிகை எமி ஜாக்சனின் தந்தைக்கு மாரடைப்பு ஏற்பட்டதைத் தொடர்ந்து எமி ஜாக்சன் லண்டன் விரைந்துள்ளார்.

மதராசப்பட்டிணம் திரைப்படத்தின் மூலம் தமிழில் ஹீரோயினாக அறிமுகமானவர் வெளிநாட்டைச் சேர்ந்த எமி ஜாக்சன். விக்ரமுடன் முதலில் இணைந்த தாண்டவம் கைகொடுக்கா விட்டாலும் மீண்டும் விக்ரமுடன் இணைந்து நடித்த ஐ ஹிட்டடித்து எமியைக் காப்பாற்றி விட்டது.

தற்போது தமிழில் தனுஷுடன் வேலை இல்லாப் பட்டதாரி பார்ட் 2, உதயநிதியுடன் கெத்து போன்ற படங்களில் நடித்துக் கொண்டிருக்கிறார். கடந்த ஞாயிறு அன்று உலகம் முழுவதும் தந்தையர் தினத்தைக் கொண்டாடி மகிழ்ந்த வேளையில், எமியும் தனது ட்விட்டர் பக்கத்தில் அப்பாவுடன் இருப்பது போன்ற புகைப்படம் ஒன்றைப் போஸ்ட் செய்திருந்தார்.

இந்நிலையில் வேலை இல்லாப் பட்டதாரி ஷூட்டிங்கில் எமி இருந்த போது அவரின் அப்பாவுக்கு மாரடைப்பு ஏற்பட்டு மருத்துவமனையில் அனுமதிக்கப்பட்ட விவரம் மொபைல் மூலம் தெரியவர, ஷூட்டிங்கை கேன்சல் செய்து அவசர அவசரமாக விமானத்தின் மூலம் லண்டன் பறந்து சென்றிருக்கிறார் எமி.