Don't Miss!
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- News வேகும் வெயிலிலும்.. "வெறுப்புக்கு" ஓட்டு போடாதீர்கள் பதாகையுடன்.. தெரு தெருவாக சுற்றும் முதியவர்
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
இந்திக்குப் போகும் 'மகாலட்சுமி'!
தெலுங்கில் வெளியான அம்மா நானா தமிழ் அம்மாயி படத்தை ஜெயம் ரவி, ஆசின் நடிக்க தமிழில் ரீமேக் செய்தார் ஜெயம் ராஜா. படம் சூப்பர் ஹிட். ஆசினுக்கு இந்தப் படம்தான் முதல் தமிழ்ப் படம். இப்படத்துக்குப் பின்னர் திரும்பிப் பார்க்கக் கூட நேரமில்லாமல் தமிழை பெரிய ரவுண்டு அடித்து முடித்தார் ஆசின்.
இப்போது இந்தியில் வலம் வந்து கொண்டிருக்கிறார். முதல் படமான கஜினி பெரும் ஹிட் ஆகி ஆசினுக்கு நல்ல அறிமுகத்தைக் கொடுத்தது. ஆனால் கழுதை தேய்ந்து கட்டெறும்பு ஆகி பின்னர் சித்தெறும்பு ஆன கதையாக இப்போது ஆசினுக்கான இந்தி வாய்ப்புகள் பிரகாசமாக இல்லாத நிலை.
இந்த நேரம் பார்த்து அவரது வயிற்றில் பாலை ஊற்றும் விதமாக தனது அம்மா நானாவை இந்தியில் ரீமேக் செய்யப் போகிறார் பூரி ஜெகன்னாத் என்ற தகவல் ஆசினை வந்து சேர்ந்தது. அவரை அணுகி நான்தானே ஹீரோயின் என்று கேட்க, அவரும் ஆமாமா என்று வேகமாக மண்டையை ஆட்டி வைத்துள்ளாராம். இதனால் ஆசின் படு குஷியாக காணப்படுகிறார்.
இந்தி ரீமேக்கில் ஆசின் நடிப்பதாக இருந்தால், பூரியுடன் ஆசின் இணைவது இது மூன்றாவது முறையாகும். அம்மா நானா தவிர பூரி இயக்கி சிவமணி என்ற படத்திலும் ஆசின் நடித்துள்ளார் என்பது நினைவிருக்கலாம்.
இதற்கிடையே, தான் அமிதாப் பச்சனை வைத்து இந்தியில் இயக்கி புத்தா ஹோகா தேரா பாப் படத்திற்கு எதிர்மறையான விமர்சனங்கள் வருவது குறித்து பூரி கவலைப்படவில்லையாம். மாறாக அமிதாப்பச்சனை வைத்து இயக்கியதே தனது பெருமை என்கிறார்.
இந்தப் படத்தை முடித்து விட்டு தி பிசினஸ்மேன் என்ற படத்தை இந்தி மற்றும் தெலுங்கில் இயக்கப் போகிறாராம். அதன் பின்னர்தான் ஆசினுடன் அம்மா நானாவுக்காக இணையப் போகிறாராம்.
பூரியின் 'அம்மா நானா' விளையாட்டு ஆசினுக்கு இந்தியில் பிரேக் தருமா என்பதை பொறுத்திருந்துதான் பார்க்க வேண்டும்...!