மாஸ்டருடன் சேர்ந்து இரவு பகலாக 'Walts' கற்று வரும் ஆசின்!!

இருக்கிற டான்ஸ் போதாது என்று ஆசின் இப்போது ஒரு புது டான்ஸை கற்றுக் கொள்ள ஆரம்பித்துள்ளாராம். வால்ட்ஸ் டான்ஸ்தான் அது.

இந்த டான்ஸை ஹாலிவுட் படங்களில் பார்த்திருக்கலாம், அந்தக் காலத்து தமிழ்ப் படங்களில் கூட பார்த்திருக்கலாம். பார்ட்டிகளின்போது ஜோடி ஜோடியாக ஆடுவார்கள். அதுதான் வால்ட்ஸ் டான்ஸ். அதைத்தான் தற்போது ஆசின் மெனக்கெட்டு கற்று வருகிறார்.

ஆசின் உடல் வாகுக்கு ஏற்ற டான்ஸ்தான் இது. இதற்காக ஒரு ஸ்பெஷல் மாஸ்டரை நியமித்து அவருடன் சேர்ந்து இரவு பகல் பாராமல், விடிய விடிய கூட விழித்திருந்து சற்றும் சோர்வுறாமல் கற்றுக் கொண்டிருக்கிறாராம்.

சரி எந்தப் படத்திலாவது வால்ட்ஸ் டான்ஸ் ஆடப் போகிறாரா ஆசின் என்று கேட்டால், அப்படியெல்லாம் இல்லீங்க, கத்து வச்சுக்கிட்டா கூடுதல் தகுதியாகுமே அதனால்தான் கற்றுக் கொள்கிறார் என்கிறார்கள் ஆசின் தரப்பினர்.

பரவாயில்லையே...!