நாளை துபாயில் அமீரகத் தமிழ் மன்றத்தின் 'கனவு மெய்ப்பட வேண்டும்'

துபாய்: துபாயில் அமீரக தமிழ் மன்றத்தின் கனவு மெய்ப்பட வேண்டும் என்ற நிகழ்ச்சி ஸ்டார் சர்வதேச பள்ளியில் நாளை நடக்கிறது.

அமீரகத் தமி்ழ் மன்றம் நடத்தும் கனவு மெய்ப்பட வேண்டும் என்ற நிகழ்ச்சி துபாயில் உள்ள ஸ்டார் சர்வதேச பள்ளியில் நாளை மாலை 6 மணிக்கு நடக்கிறது. அனுமதி இலவசம்.

நடிகை ரேகா இந்த நிகழ்ச்சியில் சிறப்பு விருந்தினராக கலந்து கொள்கிறார். அமீரகத்தின் சிறந்த பெண்மணி 2012 போட்டி, சிவ்ஸ்டார் பவன் மற்றும் ஆச்சி மசாலா இணைந்து நடத்தும் சுவை அரசி 2012 போட்டி, கண்கவர் நடனங்கள், குறு நாடகம் மற்றும் பல்சுவை போட்டிகள் நடத்தப்படவிருக்கின்றன.

முன்னதாக மாலை 5 மணி முதல் 6 மணி வரை பிரைம் மெடிக்கல் சென்டரில் இலவச மருத்துவ முகாம் நடக்கிறது. இந்த நல்வாய்ப்பை அனைவரும் பயன்படுத்திக் கொள்ளுமாறு கேட்டுக்கொள்ளப்படுகிறார்கள்.