பாரதி ஆடாத ஆட்டம்..

வயசுப் பசங்க பாரதி ஆடாத ஆட்டமெல்லாம் ஆடியும் ஒன்றும் சரிப்பட்டு வராமல்இப்போது ஆடாத ஆட்டமெல்லாம் படத்தில் தனது முழு திறமையையும் கொட்டிகலக்கி வருகிறார்.

அழகான பாரதிக்கு வயசுப் பசங்கதான் முதல் படம். முதல் படத்திலேயே முத்திரைபதித்த பாரதிக்கு தொடர்ந்து பட வாய்ப்புகள் வரவில்லை. இதனால் தெலுங்குக்குத்தாவினார். அங்கு கிளாமருக்காக மட்டும் பாரதியை சேர்த்துக் கொண்டார்கள்.

சின்ன இடைவெளிக்குப் பிறகு கன்னடத்தில் ஒரு படத்தில் நடித்துவிட்டு இப்போதுமறுபடியும் தமிழுக்கு வந்துள்ளார்.

முதல் படத்தில் விந்தியாவுடன் கிளாமர் போட்டியில் இறங்கிய பாரதி, யுகா என்றபடத்தில் வித்தியாசமான கேரக்டரில் அசத்தியுள்ளார். இது ஒரு திரில்லர் படம். பேய்,பிசாசுகளைக் காட்டி யார் கண்ணன் கலக்கலாக எடுத்த படம்.

இதில் பேய்களே பயந்து போகும் அளவுக்கு கிளாமரில் கிண்டி எடுத்தார் பாரதி.

பிறகு பார்த்திபனுடன் புதிய படம் ஒன்றில் நடிக்கும் வாய்ப்பு வந்தது. ஆனால் படம்தான் எடுக்கப்படவில்லை. இப்போது லயா என்ற படத்தில் நடித்துள்ளார் பாரதி.இப்படத்தில் இரண்டு விதமான கேரக்டரில் நடித்துள்ளாராம் பாரதி.

பெண்கள் எப்படி வாழ வேண்டும், எப்படி வாழக் கூடாது என்பதை சித்தரிக்கும்பாத்திரமாம் பாரதிக்கு. நன்றாக வெளக்கியுள்ளாராம் பார்ட்டியும்.

இதைத் தொடர்ந்து பாரதி நடிக்கும் படம்தான் ஆடாதா ஆட்டமெல்லாம். துள்ளுவதோஇளமை டைப்பில் எடுக்கப்படும் இப்படத்தை இயக்குபவர் அழகர்.

இவர் செல்வராகவனின் கூத்து பட்டறையிலிருந்து வந்தவர். எனவேதான் முதல்படத்தையும் செல்வா டைப்பில் விவகாரமாக எடுத்து வருகிறார்.

ஹீரோவாக நடிப்பவர் ரவி கணேஷ், அவருடன் பாரதி போட்டுள்ள ஆட்டம், பாட்டம்,கொண்டாட்டமாக இருக்கிறதாம்..

படத்தில் கிளாமர் உண்டு, ஆனால் மகம் சுளிக்க வைக்கும் ஆபாசம் இருக்காது.உணர்வுகளை பதிவு செய்துள்ளோம், அழகாக என்று புரியாத மாதிரி பேசுகிறார்அழகர்.

என்னவோ பண்ணுங்க போங்க ..!