பிக்பாஸ் பிரபலம் வாங்கிய சொகுசு கார்...ட்விட்டரில் டிரெண்டிங்காகும் தகவல்

ரசிகர்களை கவர்ந்த ரம்யா பாண்டியன்

குக் வித் கோமாளியை தொடர்ந்து பிக்பாஸ் சீசன் 4 ல் போட்டியாளராக கலந்து கொண்டார். பிக்பாஸ் நிகழ்ச்சிக்கு பிறகு இவருக்கு இருக்கும் ரசிகர்கள் கூட்டம் பல மடங்கு அதிகரித்தது. சோஷியல் மீடியாக்களிலும் அடிக்கடி கிளாமர் போட்டோஷுட் போட்டோக்களை பகிர்ந்து ரசிகர்களை கவர்ந்து வந்தார்.

படங்களில் குவியும் பாராட்டு

சூர்யாவின் 2டி என்டர்டைன்மென்ட் தயாரித்த ராமேன் ஆண்டாலும் ராவணன் ஆண்டாலும் படத்தில் நடித்து பெரும் பாராட்டை பெற்றார். துளியும் மேக்அப் இல்லாமல், கிராமத்து கெட்அப்பில் இவர் நடித்த யதார்த்தமான நடிப்பு அனைவரையும் கவர்ந்தது. ஓடிடி-யில் வெளியானாலும் இந்த படத்திற்கு வரவேற்பு அதிகரித்தது. இதைத் தொடர்ந்து மேலும் சில படங்களிலும் நடிக்க இவரிடம் பேச்சுவார்த்தை நடத்தப்பட்டு வருகிறது.

டிரெண்டிங் ஆன ரம்யா பாண்டியன்

இந்நிலையில் இன்று திடீரென ட்விட்டர் டிரெண்டிங்கில் திடீரென #RamyaPandian என்ற ஹேஷ்டேக் முதலிடம் பிடித்தது. இதை பார்த்த பலரும் ஷாக் ஆகினர். எதற்காக திடீரென சம்பந்தமே இல்லாமல் ரம்யா பாண்டியனை டிரெண்டிங் ஆக்குகிறார்கள் என ட்விட்டர் பயன்பாட்டாளர்கள் குழம்பிப் போயினர்.

இதுக்கு தான் டிரெண்டிங்கா

விசாரித்ததில் ரம்யா பாண்டியன் புதிதாக பிஎம்டபிள்யூ கார் ஒன்றை வாங்கி உள்ளாராம். காருடன் இருக்கும் போட்டோவை பகிர்ந்து, தான் புதிய கார் வாங்கிய தகவலையும் ரசிகர்களுடன் பகிர்ந்துள்ளார். இதற்கு வாழ்த்து சொல்லி, கொண்டாடும் விதமாக ரம்யா பாண்டியன் ஹேஷ்டேக்கை அவரது ரசிகர்கள் உருவாக்கி, டிரெண்டிங் ஆக்கி உள்ளனர்.