யானையுடன் போட்டோஷுட்...சோஷியல் மீடியாவை தெறிக்க விட்ட பிக்பாஸ் சுருதி

கண்கலங்க வைத்த சுருதி

இந்த நிகழ்ச்சியில் தன்னை பற்றி அறிமுகம் செய்த போது, சுருதியின் கதையை கேட்டு அனைவரும் கண் கலங்கினர். வாழ்க்கையில் பல கஷ்டங்களை சந்தித்த சுருதி, ஆரம்பத்தில் கருப்பாக இருந்த காரணத்தால் பல விமர்சனங்களுக்கு ஆளானார். அதே சமயம் சாமி உருவங்களுக்கு மாடலாக இவர் கொடுத்த போஸ், அவருக்கு மாடலிங் உலகில் வளர்ச்சியையும், அங்கீகாரத்தையும் பெற்று வந்தது.

ஒரு வாய்ப்பு கூட கிடைக்கலியே

பிக்பாஸ் நிகழ்ச்சிக்கு பிறகு சினிமா வாய்ப்பிற்காக கடுமையாக முயற்சி செய்து வரும் சுருதி, சேலை, பாவாடை தாவணியில் துவங்கி 2 பீஸ் உடை ஆகியவற்றை அணிந்து தினுசு தினுசாக போஸ் கொடுத்து போட்டோஷுட் நடத்தி வருகிறார். ஆனால் தற்போது வரை இவருக்கு சினிமா வாய்ப்பு கிடைக்கவேயில்லை.

த்ரிஷாவுக்கே டஃப் கொடுத்தார்

இருந்தாலும் சோஷியல் மீடியால் அனைவரையும் கவரும் வகையில் தொடர்ந்து போட்டோக்களை வெளியிட்டு வருகிறார். சமீபத்தில் பொன்னியின் செல்வன் படத்தில் த்ரிஷா நடித்துள்ள குந்தவை கெட்அப்பில் போட்டோஷுட் நடத்தி இவர் வெளியிட்ட போட்டோக்கள் இணையத்தில் செம வைரலாகியது.த்ரிஷாவுக்கு டஃப் கொடுக்கும் விதமாக, இவரது தோற்றம் உள்ளதாக நெட்டிசன்கள் புகழ்ந்து வந்தனர். குந்தவையாக போஸ் கொடுத்ததுடன் குந்தவையின் அழகையும் வர்ணித்து கேப்ஷன் பதிவிட்டிருந்தார்.

யானையுடன் போட்டோஷுட்

தற்போது அடுத்த கட்டமாக யானையுடன் போட்டோஷுட் நடத்தி உள்ளார். ராணி போன்ற கெட்அப்பில் யானையுடன் செம கேஷுவலாக இவர் கொடுத்துள்ள போசிற்கு லைக்குகள் குவிந்து வருகிறது. எப்படி பயப்படாம யானை கூட நிற்கிறீங்க. இது இப்போ எடுத்ததா இல்லை பழைய போட்டோக்களா என சிலர் சந்தேகமும் எழுப்பி வருகின்றனர். இதற்கு முன்பும் சுருதி இதே போல் போட்டோக்களை பிக்பாஸிற்கு செல்வதற்கு முன் வெளியிட்டிருந்தது குறிப்பிடத்தக்கது.

யானைக்கு இவ்வளவு அழகா அறிமுகமா

யானையுடன் போஸ் கொடுத்தது மட்டுமல்ல, யானை பற்றிய அறிமுகத்தையும் வர்ணனையுடன் கேப்ஷனாக வெளியிட்டுள்ளார் சுருதி. அதில், லட்சுமி அவ்ளோ அழகு , பர்த்தாவுடனே அப்படி ஒரு ஈர்ப்பு அவளிடம் .. அவளுக்கும் அப்படி தான் என்று நினைக்கிறேன். அந்த கண்களில் நான் பார்த்தது ,நான் அவளுடன் இருந்த சில மணி நேரம் என் வாழ்வில் மறக்க முடியாத தருணங்களில் ஒன்றாக என்னுடனே இருக்கும். லட்சுமியும் நானும்.