Don't Miss!
- News இளையராஜாவுக்கு சான்ஸ் கொடுத்த நாகூர் ஹனீபா.. எம்எல்ஏ ஹாஸ்டலில் "தென்றல் காற்றே" உருவான கதை!
- Technology கைக்கு 2 ஆர்டர்.. அவ்ளோ கம்மி.. AMOLED டிஸ்பிளே.. ப்ளூடூத் காலிங்.. ஹெல்த் டிராக்கர்கள்.. எந்த மாடல்?
- Sports இதுதான் ரியல் ட்விஸ்ட்.. ஓய்வுக்கு பின் சிஎஸ்கே அணியின் முக்கிய பதவிக்கு வரப்போகும் தல தோனி?
- Finance ஜப்பானுக்கு இந்தியா தான் உதயசூரியன்.. கலரே மாறுதே.. சீனாவுக்கு பெரும் இழப்பு..!!
- Automobiles தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- Lifestyle கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
துருதுரு, அழகு, அழுத்தம்: அமலா பாலின் பல முகங்கள்
சென்னை: இயக்குனர் ஏ.எல். விஜய்யை திருமணம் செய்யவிருக்கும் நடிகை அமலா பாலின் சிறந்த படங்கள் பற்றி பார்ப்போம்.
சிந்து சமவெளி படம் மூலம் கேரளாவில் இருந்து கோலிவுட்டுக்கு வந்தவர் அமலா பால். மாமனார், மருமகள் இடையேயான தகாத உறவை காட்டும் அந்த படம் மூலம் பெரும் சர்ச்சை கிளம்பியது.
அதன் பிறகு சுதாரித்து கதாபாத்திரங்களை மிகுந்த கவனத்துடன் தேர்வு செய்தார் அமலா.
மைனா
விதார்த்துடன் அமலா பால் ஜோடி சேர்ந்து நடித்த படம் மைனா. பாவாடை தாவணியில் படம் முழுக்க வந்த அமலா தனது நடிப்பால் ரசிகர்களின் மனதில் இடம் பிடித்தார். அவருக்கு பெயர் வாங்கிக் கொடுத்த படம் மைனா.
தெய்வத்திருமகள்
தெய்வத்திருமகள் படம் அமலா வாழ்வில் புதிய மாற்றத்தை கொண்டு வந்தது. காரணம் இந்த படத்தில் நடித்தபோது தான் அவருக்கும், இயக்குனர் ஏ.எல். விஜய்க்கும் இடையே காதல் ஏற்பட்டது. படம் முழுக்க அமலா அழகுப்பாவையாக வந்தபோதிலும் ரசிகர்களின் மனதை பேபி சாரா தனது நடிப்பால் கொள்ளை கொண்டுவிட்டார்.
வேட்டை
வேட்டை படத்தில் அமலா பால் துருதுருவென்ற கதாபாத்திரத்தில் நடித்தார். ஆர்யாவின் காதலியாக அம்சமாக நடித்திருந்தார்.
சித்தார்த்
சித்தார்த்துடன் சேர்ந்து காதலில் சொதப்புவது எப்படி என்ற படத்தில் அமலா பால் நடித்தார். அய்யோ ஒரு பெண்ணை காதலித்தால் இவ்வளவு கஷ்டமா என்று நினைக்கும்படி நடித்திருந்தார்.
தலைவா
இளைய தளபதி விஜய்யுடன் அமலா ஜோடி சேர்ந்த படம் தலைவா. கோலிவுட்டில் சரிந்த தனது மார்க்கெட்டை தலைவா படம் தூக்கி நிறுத்தம் என்று அமலா நம்பி ஏமாந்தார். இந்த படத்தில் அவர் முதன்முதலாக போலீஸ் அதிகாரியாக நடித்திருந்தார்.
பார்த்திபன்
நடிகர் பார்த்திபன் கதையே இல்லாமல் எடுத்து வரும் கதை திரைக்கதை வசனம் இயக்கம் படத்தில் அமலா பால் நடித்துள்ளார். இந்த படத்தின் படப்பிடிப்பின்போது அமலா விஜய்யுடனான தனது காதலை பார்த்திபனிடம் கூற அவரோ அதை மேடையில் பேசும்போது ஊருக்கே தெரிவித்துவிட்டார் என்பது குறிப்பிடத்தக்கது.