Don't Miss!
- News ரூ 4 கோடிக்கும் எனக்கும் சம்பந்தமே இல்லை.. மே 2ல் காவல் துறையில் ஆஜராவேன்.. நயினார் நாகேந்திரன்
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- Finance ஆதார் அட்டை தொலைஞ்சி போயிடுச்சா.. கவலை வேண்டாம், இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
‘பாபி’ டிம்பிள் கபாடியா மறுபிரவேசம்...
பாலிவுட் உலகின் கனவுக் கன்னி டிம்பிள் கபாடியா மீண்டும் நடிக்க வருவதாக தகவல்கள் வெளியாகியுள்ளன.
பாலிவுட்டில் 'பாபி' என்ற திரைப்படத்தில் முதன்முதலாக அறிமுகமானவர் டிம்பிள் கபாடியா. இந்த படத்தில் நடித்ததற்காக சிறந்த நடிகைக்கான பிலிம்பேர் விருது அவருக்கு கிடைத்தது.
டிம்பிள் கபாடியாவின் முதல் படம் வெளிவருவதற்கு முன்பே நடிகர் ராஜேஷ் கண்ணாவை திருமணம் செய்து கொண்டார். அதன்பின் கமல்ஹாசனுடன் அவர் நடித்த 'சாகர்' என்ற திரைப்படமும் சிறந்த நடிகைக்கான பிலிம்பேர் விருதினை பெற்று தந்தது.
விக்ரம் நாயகி
அந்த படத்தை தொடர்ந்து தமிழில், கமலஹாசன் ஜோடியாக ‘விக்ரம்' என்ற திரைப்படத்தில் நடித்தார்.
இரண்டு மகள்கள்
ராஜேஸ்கண்ணாவை மணந்த டிம்பிள் கபாடியா இரு குழந்தைகளுக்குத் தாயானார். திருமணமான பின்னர் குழந்தைகளை வளர்ப்பதற்காக நடிப்பதை நிறுத்தி கொண்டார்.
வயதான பெண்ணாக
இந்நிலையில், நீண்ட இடைவெளிக்குப் பிறகு தற்போது, ‘வாட் தி பிஷ்' என்ற படத்தில் நடிக்கிறார். இப்படத்தில் உத்தர பிரதேசத்தில் வசிக்கும் வயதான பெண்ணாக டிம்பிள் கபாடியா நடிக்கிறார்.
பொருத்தமான நடிகை
இந்த படம் குறித்து இயக்குநர் குர்மீத் சிங் கூறும்போது, இந்த படத்தில் கபாடியாவின் கதாபாத்திரம் அழுத்தமானது. இந்த கதாபாத்திரத்திற்கு பொருத்தமான ஒரே நடிகை கபாடியா மட்டுமே. படத்தின் இறுதி கட்ட பணிகள் நிறைவடையும் நிலையில் உள்ளன. இந்த படத்தில் அவருடன் பணியாற்றும்போது எனக்கு கடினமாக தோன்றவில்லை.
டிம்பிள் சாதனை
படம் முழுவதும் நாங்கள் இணைந்து பணியாற்றியுள்ளோம். அவர் ஒரு சாதனையாளர். அவருடன் படப்பிடிப்புகளில் கலந்து கொண்ட தருணங்கள் நினைவில் கொள்ள கூடியது என்றும் கூறியுள்ளார்.
பழகுவதற்கு இனிமை
கபாடியாவிற்கு படத்தின் திரைக்கதையை அனுப்பினேன். அதனை படித்து விட்டு படத்தில் நடிக்க ஆர்வமானார். அவர் மிக பணிவானவர். அவருடன் பழகுவதில் பெரிதாக எந்த பிரச்சினையும் இல்லை. இந்த படம் அடுத்த ஆண்டு திரைக்கு வர இருக்கிறது.