கேஜிஎஃப் நடிகை ஸ்ரீநிதி ஷெட்டி..கோப்ரா படத்திற்காக வாங்கிய சம்பளம் எவ்வளவு தெரியுமா?

நடிகை ஸ்ரீநிதி ஷெட்டி

28 வயதாகும் நடிகை ஸ்ரீநிதி ஷெட்டி, நடிகர் யாஷ் நடிப்பில் கன்னட திரையுலகில் வெளியான கே.ஜி.எஃப் படத்தின் மூலம் திரையுலகில் அறிமுகமானார். கே.ஜி.எஃப் முதல் பாகத்தில் ஏதோ பெயருக்கு வரும் ஹீரோயினாக வந்த ஸ்ரீநிதி, கேஜிஎஃப் பாகம் இரண்டில் " வா வா என் அன்பே" பாடல் மூலம் அழைக்காமே மனதிற்குள் வந்து அமர்ந்து கொண்டார்.

ஹவுஸ்புல் காட்சிகள்

கேஜிஎஃப் முதல் பாகத்தில் இருந்த சுவாரசியம் காரணமாக பட்டிதொட்டி எங்கும் பட்டையை கிளப்பியது. இத்திரைப்படம், சுமார் பத்து நாட்களுக்கு மேலாக தமிழகத்தின் பல திரையரங்குகளில் ஹவுஸ்புல் காட்சிகளுடன் திரையிடப்பட்டது. நடிகர் விஜய்யின் பீஸ்ட் திரைப்படத்துடன் வெளியாகி இருந்தாலும் கே.ஜி.எஃப்-2 திரைப்படத்திற்கான வரவேற்பு அதிகமாக இருந்தது.

சம்பளம் எவ்வளவு தெரியுமா?

இந்நிலையில், கே.ஜி.எஃப் திரைப்படத்தின் மூலம் திரைத்துறையில் அறிமுகத்தை கொடுத்த ஸ்ரீநிதி ஷெட்டி, நடிகர் விக்ரம் நடித்து வரும் கோப்ரா படத்தில் அவருக்கு ஜோடியாக நடித்துள்ளார். இத்திரைப்படத்தில் ஸ்ரீநிதி ஷெட்டி ரூ. 6 கோடி வரை சம்பளம் வாங்கியுள்ளதாக தகவல் வெளியாகியுள்ளது. இது தமிழ் சினிமாவில் உள்ள சில முன்னணி நடிகைகளை விட அதிகமான சம்பளமாகும்.

ஏழு வித்தியாசமான ரோல்

கோப்ரா திரைப்படத்தில் 7 வித்தியாசமான கதாபாத்திரத்தில் நடித்துள்ள விக்ரம் அந்த அனைத்து கதாபாத்திரத்துக்கும் வித்தியாசமாக தெரிய வேண்டும் என்பதற்காக டப்பிங்கிலும் வித்தியாசம் காட்டி உள்ளார். இப்படத்தில் ஆனந்த்ராஜ், கே.எஸ்.ரவிக்குமார், மீனாட்சி கோவிந்தராஜன், மிருணாளினி ரவி, ரோபோ சங்கர் என ஏராளமானோர் நடித்துள்ளனர். இப்படத்தின் இசைவெளியீட்டு விழா சமீபத்தில் கோலாகலமாக நடைபெற்றது.