அஜித் ஜோடி, பாலா படம்... அமர்க்களமாக செகண்ட் இன்னிங்சை தொடங்கிய ஈஸ்வரிராவ்!

பாராட்டு:

காலாவில் மேக்கப் இல்லாமல் ரஜினியின் மனைவியாக நடித்த ஈஸ்வரிராயின் நடிப்பு பெரிதும் பேசப்பட்டது. அவரைப் பற்றி ரஜினி பாடும் தங்கச்சிலை பாடல் பிரபலமானது.

பாலா படம்:

இதன் மூலம் தனது இரண்டாவது இன்னிங்ஸை வெற்றிகரமாகத் தொடங்கிய ஈஸ்வரிராவ், தற்போது பாலா இயக்கத்தில் உருவாகி வரும் `வர்மா' படத்தில், ஒரு முக்கிய வேடத்தில் நடித்து வருகிறார். இப்படத்தில் தான் விக்ரம் மகன் துருவ் நாயகனாக அறிமுகம் ஆகிறார்.

முக்கியக் கதாபாத்திரம்:

பாலாவின் படமென்றாலே நடிகர்கள் தங்கள் கெட்டப்பை முற்றிலும் மாற்றி விடுவார்கள். அந்தவகையில் ஈஸ்வரிராவும் வர்மாவுக்காக புதிய கெட்டப்பில் வலம் வருகிறார். இப்படத்தில் இவரது கதாபாத்திரம் பேசும்படி இருக்கும் என எதிர்பார்க்கப்படுகிறது.

விசுவாசம்:

இந்நிலையில், விசுவாசம் படத்தில் அஜித்திற்கு ஜோடியாக ஈஸ்வரி ராவ் நடிக்க இருப்பதாக நம்பத்தகுந்த வட்டாரத் தகவல்கள் தெரிவிக்கின்றன. இப்படத்தில் அஜித் தந்தை, மகன் என இரட்டை கதாபாத்திரத்தில் நடிக்கிறார்.

சம்மதம்:

இதில் மகனுக்கு ஜோடியாக நயன்தாரா நடித்து வரும் நிலையில், அப்பாவுக்கு ஜோடியாக நடிக்க ஈஸ்வரி ராவிடம் கேட்டுள்ளதாக தெரிகிறது. அதற்கு ஈஸ்வரி ராவும் சம்மதம் தெரிவித்துள்ளதாக அவருக்கு நெருக்கமான வட்டாரங்கள் உறுதி செய்கின்றன.

அடுத்த ரவுண்ட்:

நீண்ட இடைவெளிக்குப் பிறகு தமிழில் மீண்டும் நடிக்கத் தொடங்கியுள்ளார் ஈஸ்வரி ராவ். ரஜினியைத் தொடர்ந்து, தல அஜித்துடனும் அவர் ஜோடி சேர இருப்பதால், தமிழ் சினிமாவில் ஈஸ்வரி ராவின் இரண்டாவது இன்னிங்ஸ் மிக வலுவாக இருக்கும் என எதிர்ப்பார்க்கப்படுகிறுது.