இணையதளத்தில் த்ரிஷாவின் போலி திருமணப் படம்!

இப்போதெல்லாம் ஷூட்டிங் ஸ்பாட்டில் எடுக்கும் திருமணப் படத்தைக் கூட நிஜப் படம் என்று கூறி பரபரப்பேற்படுத்துகிறார்கள். மீடியாவின் அபார வளர்ச்சியால் வந்துள்ள அபாயம் இது!

இந்த ஆண்டில் இதுபோல பலமுறை நடிகைகளின் திருமணப் படங்கள் வெளியாகி மறுக்கப்பட்டிருக்கிறது.

இந்த முறை நடிகை த்ரிஷா. திருமணமே இப்போதைக்கு வேண்டாம் என்று கூறி பரபரப்பாக நடித்துக் கொண்டிருக்கும் அவருக்கு அடிக்கடி திருமணம் செய்து பார்த்தி திருப்திப்பட்டுக் கொள்கின்றன பத்திரிகைகளும் இணையதளங்களும்.

சமீபத்தில் த்ரிஷாவுக்கு திருமணமாகிவிட்டது என்று கூறி ஒரு படத்தை இணைய தளங்களில் வெளியிட்டுள்ளனர்.

அவருக்குப் பக்கத்தில் மணமகனாக அமர்ந்திருப்பவர், வேறு யாருமல்ல நடிகர் புனித் ராஜ்குமார். கன்னடத்தின் முன்னணி நடிகர்.

ஆனால் இதைக் கூடத் தெரிந்து கொள்ளாமல் அல்லது அதற்கு விரும்பாமல், த்ரிஷாவுக்கு திடீர் திருமணம் என்று செய்தி வேறு வெளியிட்டுள்ளனர்!