நடிக்கும் ஆசை வந்துடுச்சி... மீண்டும் மேக்கப்ப போடும் ஜெனிலியா!

திருமணம்

கடந்த 2012-ஆம் ஆண்டு அவருடைய காதலரான இந்தி நடிகர் ரிதேஷ் தேஷ்முக்கை மணந்து நடிப்புக்கு முழுக்குப் போட்டார் ஜெனிலியா. தமிழில் விஜய்யுடன் அவர் நடித்த 'வேலாயுதம்'தான் இவர் நடிப்பில் வெளிவந்த கடைசிப் படம்.

ஜெய் ஹோவில்...

இந்நிலையில் ஜெனிலியா சல்மான் கானின் ஜெய் ஹோவில் ஒரு சிறு வேடத்தில் நடித்தார். இதற்கு அவரது காதல் கணவர் ரித்தேஷும் சந்தோஷத்துடன் சம்மதித்துவிட்டார்.

2வது நாயகி

தொடர்ந்து, சல்மான்கானின் தம்பியும் தயாரிப்பாளருமான அர்பாஸ் கான் தயாரிக்கும் டாலி கி டோலி என்ற படத்தில் ஜெனிலியா 2வது நாயகியாக நடிக்கிறார். இந்தப் படத்தில் நாயகியாக சோனம் கபூர் நடிக்கிறார். இருப்பினும், ஜெனிலியா வந்த வாய்ப்பை தவறவிட மனமில்லாமல் ஒப்புக் கொண்டாராம்.

தமிழுக்கு வரட்டுமா...

தற்போது ஜெனிலியாவுக்கு நடிக்கும் ஆசை வந்துவிட்டதால், தொடர்ந்து நடிக்கப் போவதாகவும், தமிழுக்கு வர விரும்புவதாகவும் தெரிவித்துள்ளார்.