சினிமாவுக்கு கிளாமர் அவசியம்தான்… சொல்கிறார் ஓவியா

போட்டி அதிகமாயிருச்சே

இன்றைக்கு சினிமாவில் போட்டி அதிகரித்துவிட்டது. ஒவ்வொரு வாரமும் புதுமுக ஹீரோயின்கள் அறிமுகமாகிக் கொண்டிருக்கின்றனர். இந்த போட்டிக்கு ஈடுகொடுத்து நான் நிற்பது அதிர்ஷ்டம்தான். இது இப்படியே தொடரும் என்று நம்புகிறேன் என்கிறார் ஓவியா.

சினிமாவை தெரிந்து கொண்டேன்

ஆரம்ப காலத்தில் சினிமாவில் அறிமுகமானபோது நடிகைகளுக்கான ‘பேஷன்' என்ன என்பது எனக்கு தெரியாது. நடிகையானபின் அதுபற்றி தெரிந்து கொண்டேன்.

சவாலான கதாபாத்திரங்கள்

சற்குணம் இயக்கத்தில் ‘களவாணி' படத்தில் நடித்தபோது அந்த படம் ஓடும் என்று என்னால் கணிக்க முடியவில்லை. தியேட்டரில் ரசிகர்களுடன் அமர்ந்து பார்த்தபோதுதான் எப்படி ரசிக்கிறார்கள் என்பதை தெரிந்துகொண்டேன்.

காமெடிக்கு முக்கியத்துவம்

எனது படங்களில் காமெடியில் நான் சிறப்பாக நடிப்பதாக சொல்கிறார்கள். உண்மையில் அப்படி நடிப்பது கடினம். அதுபோல் சவாலான வேடங்களிலும் நடிக்க ஆசை.

கிளாமர் கண்டிப்பா தேவை

ஒரு நடிகையாக கிளாமர் என்பது தவிர்க்க முடியாததாகி விடுகிறது. சினிமாவில் அதுவும் ஒரு அங்கம். பல நடிகைகள் கிளாமர் வேடங்களில் நடிக்கிறார்கள் அவர்களில் ஒருத்தியாக நானும் இருக்கிறேன் என்றார் ஓவியா.

அப்போ தமிழ் சினிமாவில் ஓவியாவிற்கு ஒரு இடம் நிச்சயம் உண்டு.