ஹன்சிகாவுக்கு ஜப்பான்ல ரசிகர்மன்றம் ஆரம்பிச்சிருவாங்களோ?

கிராமத்து ரசிகர்கள்

எந்த ஒரு நடிகருக்கோ, நடிகைக்கோ முதலில் ரசிகர்மன்றம் ஆரம்பிப்பது மதுரை மக்கள்தான். அதேபோல் மதுரை மாவட்ட சுற்றுவட்டார பகுதிகளில் கனவுக்கன்னி ஹன்சிகா ரசிகர் மன்றம் ஆரம்பித்தவர்கள் நேரடியாக சூட்டிங் ஸ்பாட்டுக்கு விசிட் அடிக்கின்றனராம்.

அழகு கட்டிப்போடுதே…

ஹன்சிகாவை பார்க்க வரும் ரசிகர்கள் யாரும் உடனே திரும்பிப் போய்விடுவதில்லையாம். உங்க அழகு எங்களைப் போகவிடாமல் கட்டிப் போடுதே என்று டயலாக் விடுகின்றனராம். எனவேதான் கிராமத்து ரசிகர்கள் வந்தாலே கேரவனுக்குள் ஓடிச்சென்று பதுங்கிக்கொள்கிறாராம் ஹன்சிகா.

ஜப்பானில் புது ரசிகர்கள்

தமிழ்நாட்டில்தான் இப்படி என்றால் சமீபத்தில் "தீயா வேலை செய்யனும் குமாரு" படப்பிடிப்புக்காக ஜப்பான் சென்றபோது அங்கும் அழகை வர்ணிக்க ரசிகர் வந்துவிட்டாராம். அவர் ஜப்பான் நாட்டில் டோயோமா மாநிலத்தைச் சேர்ந்த கவர்னராம்.

அசந்து போன ஹன்சிகா

நான் பார்த்த நடிகைகளில் நீங்க ரொம்ப அழகா இருக்கீங்க என்று ஜப்பான் மொழியில் கூறவே அதை ஒருவர் ஆங்கிலத்தில் ஹன்சிகாவிடம் மொழிபெயர்த்தபோது, வெட்கத்தில் பூரித்தாராம் ஹன்சிகா. உடனே இயக்குநர் சுந்தர்.சி கலாட்டா செய்ய ஆரம்பித்து விட்டாராம்.

ஜப்பானில் ரசிகர் மன்றம்

ரஜினி, மீனாவிற்கு ஜப்பானில் ரசிகர்கள் அதிகம் இருப்பதைப் போல இனி ஹன்சிகாவிற்கும் ரசிகர் மன்றம் ஆரம்பித்தாலும் ஆச்சரியப்படுவதற்கில்லை என்கின்றனர்.