ரஜினிக்காக பிரார்த்தனை செய்யும் ஹன்ஸிகா!

திரையுலகின் புகழ்மிக்க மனிதரான ரஜினி விரைவில் குணமடைய பிரார்த்திப்பதாக நடிகை ஹன்ஸிகா மோத்வானி தெரிவித்தார்.

'மாப்பிள்ளை' படத்தில் தனுஷ் ஜோடியாக நடித்து தமிழில் அறிமுகமானவர் ஹன்சிகா மோத்வானி. தற்போது விஜய்யுடன் 'வேலாயுதம்' படத்தில் நடித்து வருகிறார்.

ரஜினி உடல்நலமில்லாமல் இருப்பது மிகுந்த வேதனை தருவதாக அவர் கூறினார்.

அவர் மேலும் கூறுகையில், "தனுசுக்கு சிறந்த நடிகருக்கான தேசிய விருது கிடைத்தது மகிழ்ச்சியாக இருந்தது. போனில் தொடர்பு கொண்டு அவருக்கு வாழ்த்து தெரிவித்தேன்.

அப்போது தனுஷ் என்னிடம் மிகவும் வருத்தமாய் பேசினார். ரஜினிகாந்த் மருத்துவமனையில் இருப்பதால் தேசிய விருது சந்தோஷத்தை கொண்டாட முடியவில்லை என்றார்.

ரஜினி திரையுலகில் புகழ் பெற்ற மனிதர். அவர் விரைவில் குணமடைய வேண்டும் என தனுஷிடம் கூறினேன். நானும் ரஜினிக்காக பிரார்த்திக்கிறேன்," என்று கூறியுள்ளார்.