அஜீத் படத்தில் நான் இல்லை! - ஹன்சிகா

அஜீத்தை வைத்து சிவா இயக்கும் புதிய படத்தில் தான் நாயகியாக நடிப்பதாக வரும் செய்திகளில் உண்மையில்லை என்று ஹன்சிகா தெரிவித்துள்ளார்.

என்னை அறிந்தால் படத்துக்குப் பிறகு, வீரம் படத்தை இயக்கிய சிவாவின் இயக்கத்தில் புதிய படம் நடிக்கிறார் அஜீத். இந்தப் படத்தில் அஜீத்தின் ஜோடியாக ஹன்சிகா நடிப்பதாக முதலில் தகவல் வந்தது.

ஹன்சிகா

ஆனால் இதனை மறுத்துள்ளார் ஹன்சிகா.

இதுகுறித்து அவரிடம் கேட்டபோது, "அஜீத்துடன் சேர்ந்து நடிக்க வாய்ப்பு கிடைத்தால் மகிழ்ச்சி அடைவேன். ஆனால் சிவா இயக்கும் படத்தில் அஜீத்துக்கு ஜோடியாக நடிக்குமாறு யாரும் என்னைக் கேட்கவில்லை. சமூக வலைத்தளங்களில்தான் இப்படியெல்லாம் எழுதிக் கொண்டுள்ளனர்," என்றார்.

ஹன்சிகா இப்போதைக்கு விஜய்க்கு ஜோடியாக சிம்புதேவன் படத்தில் ஒப்பந்தமாகியுள்ளார். ஜெயம் ரவியுடன் ரோமியோ ஜூலியட், ஆர்யாவுடன் மீகாமன், விஷாலுடன் ஆம்பள போன்ற படங்களில் படுபிஸியாக நடித்து வருகிறார்.