சினிமாவுல ஜூனியர், சீனியர்னு பிரிச்சு பார்க்கிறாங்களாமே..? என்ன சொல்கிறார் நடிகை ஸ்ரேயா

அதிக படங்களில்

சமீபத்தில் அவர் அளித்த பேட்டியில், எனக்கு திருமணமாகி, அதற்குள் கிட்டத்திட்ட 2 வருடங்கள் ஆகிவிட்டது என்பது ஆச்சரியமாக இருக்கிறது என்று தெரிவித்தார். இந்நிலையில் நிகழ்ச்சி ஒன்றில் கலந்துகொண்ட நடிகை ஸ்ரேயாவிடம் நீங்கள் ஏன் ஹீல்ஸ் அணிவதில்லை என்று கேட்கப்பட்டது. அப்போது, அவர், ஹீல்ஸ் அணிந்து என் கால்களை காயப்படுத்த விரும்பவில்லை என்று தெரிவித்தார்.

தமிழ்ப் படம்

அவர் மேலும் கூறும்போது, நான் ஏற்கனவே நடித்த சில படங்கள் திரைக்கு வர இருக்கின்றன. அடுத்த தமிழ்ப் படம் ஒன்றில் நடிக்கிறேன். இதற்கான அறிவிப்பு அடுத்த மாதம் வெளியாக இருக்கிறது. தெலுங்கு மற்றும் இந்தி பட வாய்ப்புகளும் இருக்கின்றன.

சினிமாவில் சீனியர், ஜூனியர் என்று பிரிக்கும் நிலை இருப்பதாக நினைக்கவில்லை.

சீனியர், ஜூனியர்

சினிமா இன்டஸ்ட்ரி சீனியர், ஜூனியர் என்று நினைக்க ஆரம்பித்தால், இங்கு நான் இருந்திருக்க முடியாது. என்னை போல பலர் இருக்க முடியாது. சினிமாவில் கடின உழைப்பு மட்டுமே உதவும். அதுதான் முக்கியம். இப்போது திறமையான இளம் நடிகர், நடிகைகள் சினிமாவுக்கு அதிகமாக வருகிறார்கள். இது வரவேற்கத்தக்கது.

வெப்சீரிஸ்

வெப்சீரிஸ் பற்றி கேட்கிறார்கள். சினிமாவில் ஒரு குறிப்பிட்ட கால அளவுக்குள்தான் ஒரு கதையை சொல்ல முடியும். ஆனால், வெப் சீரிஸில் விரிவாகச் சொல்ல முடியும். எனக்கு பிடித்த வெப் சீரிஸ், கேம் ஆப் த்ரோன்ஸ். நம்ப முடியாத ஆச்சரியமான கதைகளம். ஆனால், நம்பும்படி எடுத்திருக்கிறார்கள். நல்ல வாய்ப்பு கிடைத்தால் நானும் வெப்சீரிஸில் நடிப்பேன் என்றார்.