96 ரீமேக்... த்ரிஷாவை காப்பி அடிக்கக் கூடாதுன்னு முதல்லயே முடிவு பண்ணினேன்... ஜானு சமந்தா நச்

தெலுங்கில்

இந்தப் படம் கன்னடத்தில் 99 என்ற பெயரில் ரீமேக் ஆனது. அங்கு த்ரிஷா நடித்த கேரக்டரில் பாவனாவும் விஜய் சேதுபதி கேரக்டரில் கணேஷூம் நடித்திருந்தனர். ஆனால், எதிர்பார்த்தபடி கவனிக்கப்படவில்லை.

ஷர்வானந்த்

இதையடுத்து தெலுங்கில் ரீமேக் செய்யப்பட்டு வருகிறது. விஜய் சேதுபதி கேரக்டரில் ஷர்வானந்தும், த்ரிஷா கேரக்டரில் சமந்தாவும் நடித்து வருகின்றனர். தமிழில் இயக்கிய பிரேம்குமார், தெலுங்கிலும் இயக்குகிறார். கோவிந்த் வசந்தா இசை அமைக்கிறார். ஸ்ரீ வெங்கடேஸ்வரா கிரியேஷன்ஸ் தயாரிக்கிறது.

தனித்துவம்

இந்தப் படத்துக்கு ஜானு என்று டைட்டில் வைத்துள்ளனர். இதன் டீசர் சமீபத்தில் வெளியிடப்பட்டது. இதில் சமந்தாவின் நடிப்பை ரசிகர்கள் பாராட்டியுள்ளனர். அதில் ஒரு ரசிகர், உங்களது தனித்துவமான, ஸ்டைலான நடிப்பை இதில் வழங்கி இருக்கிறீர்கள் என்று பாராட்டி இருந்தார்.

நடிப்பு காப்பி

அவருக்குப் பதில் சொன்ன சமந்தா, த்ரிஷாவின் சிறப்பான நடிப்பை காப்பி அடிக்கக் கூடாது என்று முதலிலேயே முடிவு செய்துவிட்டேன். அப்படி செய்தால் அது ஒர்க் அவுட் ஆகாதும் என்றும் நினைத்தேன். அதனால் எனது ஸ்டைலில் நடித்துள்ளேன் என்று தெரிவித்துள்ளார்.