Click it and Unblock the Notifications
நாங்கள் 2 பேரும் அந்த முடிவில்தான் இருக்கிறோம்.. பல நாள் சீக்ரெட்டை சொன்ன தமன்னாவின் காதலர்
சென்னை: நடிகை தமன்னா தமிழ் மற்றும் தெலுங்கு ஆகிய மொழிகளில் முன்னணி நடிகையாக வலம் வந்தவர். பல படங்களில் நடித்த அவருக்கு பாலிவுட் கதவும் திறந்தது. இதனையடுத்து அங்கு நடித்துக்கொண்டிருந்தபோது விஜய் வர்மாவை காதலிக்க ஆரம்பித்தார். இருவரும் விரைவில் திருமணம் செய்துகொள்ளவிருக்கிறார்கள் என்பது குறிப்பிடத்தக்கது. இந்தச் சூழலில் தமன்னா பற்றி அவரது காதலர் விஜய் வர்மா பேசியிருக்கும் விஷயம் ரசிகர்களிடையே கவனத்தை ஈர்த்திருக்கிறது.
நடிகை தமன்னா தமிழ் சினிமாவில் முன்னணி நடிகையாக வலம் வந்தவர் ஹிந்தியில் அறிமுகமானாலும் தமிழ்தான் அவருக்கு பெரிய அடையாளத்தை பெற்றுக் கொடுத்தது விஜய் அஜித் சூர்யா கார்த்தி ஜெயம் ரவி என பல நடிகர்களுடன் ஜோடி போட்டு நடித்தார் ஒரு காலத்தில் தமன்னாவின் அலை கோலிவுட்டில் பலமாகவே அடித்தது.
விலகிய சிம்பு?: குறிப்பாக கே.வி.ஆனந்த் இயக்கிய கோ என்ற படத்தில் சிம்புதான் முதலில் நடிக்க வேண்டி இருந்தது அந்த படத்தில் தமன்னா ஹீரோயினாக நடித்தால் மட்டும்தான் தான் நடிப்பேன் என அவர் கூறி படத்தில் இருந்து விலகியதாகவும் ஒரு தகவல் உலாவியது குறிப்பிடத்தக்கது. அந்த அளவுக்கு தமன்னா மீதான கிரேஸ் இருந்தது. எனவே இன்னும் பல வருடங்கள் அவர் கோலிவுட்டை ஆட்சி செய்வார் என பலரும் கணித்தனர். இடையில் என்ன நடந்ததோ அவருக்கான வாய்ப்புகள் குறைய ஆரம்பித்தன.
தெலுங்கிலும் டல்: தமிழில் எப்படி இருந்தாரோ அதேபோல்தான் தெலுங்கிலும் வெற்றி கொடியை பறக்க விட்டவர் தமன்னா. அங்கும் அவருக்கு வாய்ப்புகள் குறைந்தன. கோலிவுட், டோலிவுட் என இரண்டு சினிமா துறையும் கைவிட்டாலும் அவருக்கு ஹிந்தி சினிமா கை கொடுத்தது அதன்படி அங்கு அவர் நடித்த படங்களும் வெப் சீரிஸ்களும் ஹிட் அடித்துள்ளன. அதேபோல் அங்கு அவர் தனது கிளாமரை கொஞ்சம் அதிகரித்திருக்க ஆரம்பித்திருக்கிறார்.
தமன்னாவின் காதல்: அதேபோல் லஸ்ட் ஸ்டோரிஸ் 2வில் நடித்தபோது உடன் நடித்த விஜய் வர்மாவை காதலிக்க ஆரம்பித்தார். அதனை இரண்டு பேருமே உறுதி செய்திருக்கின்றனர். மேலும் இரண்டு பேரின் திருமணமும் விரைவில் நடக்கலாம் என எதிர்பார்க்கப்படுகிறது. பாலிவுட் பக்கம் கரை ஒதுங்கிய தமன்னாவை நெல்சன் திலீப்குமார் ஜெயிலர் படத்தின் மூலம் தமிழுக்கு அழைத்து வந்தார். அந்தப் படத்தில் காவாலா என்ற ஒரே ஒரு பாடலுக்கு நடனம் ஆடியிருந்தாலும் அந்தப் பாடலின் மூலம் ட்ரெண்டிங்கின் உச்சத்துக்கே சென்றார். கடைசியாக அவர் நடித்த அரண்மனை 4 படத்தின் ரிசல்ட்டும் பாசிட்டிவ்வாகவே இருந்தது.
உச்சபட்ச கவர்ச்சி: இதற்கிடையே ஹிந்திக்கு சென்ற தமன்னா பாடல்களில் உச்சபட்ச கவர்ச்சியை காண்பிக்க ஆரம்பித்திருக்கிறார். சமீபத்தில்கூட ஆஜ் கி ராத் என்ற பாடலுக்கு கவர்ச்சியாக நடனமாடி ரசிகர்களை சொக்க வைத்தார். இந்நிலையில் தமன்னா குறித்து புதிய தகவல் ஒன்று வெளியாகியிருக்கிறது. அதன்படி ஆஜ் கி ராத் என்ற பாடலுக்கு நடனமாட மட்டும் ஒரு கோடி ரூபாய் சம்பளமாக அவர் பெற்றிருப்பதாகவும் ஒரு தகவல் ஓடிக்கொண்டிருக்கிறது.
விஜய் வர்மா பேட்டி: இந்நிலையில் தமன்னாவின் காதலரான விஜய் வர்மா சமீபத்தில் ஒரு பேட்டி அளித்தார். அந்தப் பேட்டியில் பேசிய அவர், 'நானும் தமன்னாவும் சேர்ந்து அடிக்கடி புகைப்படங்கள் எடுத்துக்கொள்வோம். அப்படி எடுத்துக்கொண்ட புகைப்படங்கள் மட்டும் என்னிடம் 5000 ஃபோட்டோக்கள் இருக்கும். அதை சோஷியல் மீடியாவில் பகிரலாம். ஆனால் அவற்றை பகிரக்கூடாது என்று இருவருமே சேர்ந்து முடிவு எடுத்திருக்கிறோம். அந்தப் புகைப்படங்கள் எனது இதயத்துக்கு நெருக்கமானவை. நாங்கள் இருவருமே ஒருவரையொருவர் ரொம்பவே மதித்துக்கொள்கிறோம்" என்றார்.
Continue with Google