பொண்ணுங்கள தான் நான் சைட் அடிப்பேன்... அதுவும் அந்த விஷயத்துல ரொம்ப பிடிக்கும்!

மலர் டீச்சர் ரோலில்

அபாரமான நடிப்புத் திறமை அட்டகாசமாக நடனத் திறமை என தென்னிந்திய சினிமாவில் கலக்கிக் கொண்டுள்ளவர் நடிகை சாய் பல்லவி மலையாளத்தில் வெளியான பிரேமம் என்ற திரைப்படத்தின் மூலம் கதாநாயகியாக அறிமுகமானார். முதல் படத்திலேயே எக்கச்சக்கமான ரசிகர்கள் பட்டாளம் உருவானது. இயக்குனர் அல்போன்ஸ் புத்திரன் இயக்கத்தில் நிவின் பாலி ஹீரோவாக நடித்த இந்த படத்தில் மலர் டீச்சர் கதாபாத்திரத்தில் நடித்து ரசிகர்களை வெகுவாக கவர்ந்தார்.

தெலுங்கில் முழு கவனத்துடன்

பிரேமம் கொடுத்த மாபெரும் வரவேற்பைத் தொடர்ந்து தமிழ் மற்றும் தெலுங்கு உள்ளிட்ட மொழிகளிலும் சாய் பல்லவிக்கு நடிக்கும் வாய்ப்பு கிடைத்தது. அந்த வகையில் தெலுங்கில் இவர் நடித்த ஃபிடா பிளாக்பஸ்டர் வெற்றி பெற்றது. எனவே தெலுங்கு ரசிகர்களும் இவரை கொண்டாட ஆரம்பித்தனர் இப்பொழுது தொடர்ச்சியாக தெலுங்கில் முழு கவனத்துடன் அடுத்தடுத்த படங்களில் நடித்து வருகிறார்

ரெக்கார்டுகளை செய்துள்ளது

சாய்பல்லவி என்னதான் தமிழ்நாட்டில் பிறந்து இருந்தாலும் தமிழில் சில படங்களில் மட்டுமே நடித்துள்ளார் அந்த வகையில் தனுஷ் நடிப்பில் வெளியான மாரி 2 மற்றும் சூர்யாவுக்கு ஜோடியாக என்ஜிகே உள்ளிட்ட படங்களில் மட்டுமே நடித்துள்ளார். இதில் மாரி 2 படத்தில் தனுஷ் மற்றும் சாய்பல்லவி நடனமாடிய ரவுடி பேபி பாடல் பல்வேறு ரெக்கார்டுகளை செய்துள்ளது . இந்த பாடலில் சாய் பல்லவியின் நடனம் உள்ள அனைவரையும் பிரம்மிக்க வைத்தது.

Recommended Video

Sai Pallavi காதலர் கூட நடந்த சுவாரசியங்கள் இந்த படத்துல இருக்கு | Nani, Pallavi, Shyam Singha Roy

பொண்ணுங்கள தான் நான் சைட் அடிப்பேன்

நானி இரட்டை வேடத்தில் நடித்த ஷியாம் சிங்கா ராய்யில் சாய் பல்லவி தேவதாசியாக நடித்து பிரமாத படுத்தி இருப்பார் . இவ்வாறு தனது ஒவ்வொரு படங்களிலும் வித்தியாசம் காட்டி நடித்து வரும் சாய் பல்லவி தனக்கு பெண்கள் மீதான ஈர்ப்பு அதிகமாக உள்ளது. நான் பெண்களைத்தான் அதிகமாக சைட் அடிப்பேன். அவர்கள் போடும் உடை, அலங்காரம் மற்றும் முடி என அனைத்தையும் நான் ரசிப்பேன். பசங்க அதே ஷர்ட், பேண்ட் தான் என்பதனால் பெரிதாக பசங்கள சைட் அடித்தது இல்லை. பெரும்பாலும் பொண்ணுங்களை தான் சைட் அடிப்பேன். லவ் அட் ஃபர்ஸ்ட் சைட் எனக்கு இது வரைக்கும் நம்பிக்கை இல்லை அந்த மாதிரி யாரும் என்னை இம்ப்ரஸ் செய்ததும் இல்லை என சாய்பல்லவி வெளிப்படையாக கூறியுள்ளார்