Click it and Unblock the Notifications
என் 'பிரா'வை எரிக்க வேண்டும் போல இருக்கிறது... சோனம் கபூர் ஆவேசம்!
கேன்ஸ் பட விழாவுக்காக வந்துள்ள சோனம் கபூர் அங்கு அளித்த ஒரு பேட்டியின்போது பாலிவுட் படங்களில் பெண்களை சித்தரிப்பது மிகவும் அவமானகரமானதாக இருக்கிறது. மிகவும் ஆபாசமாகவும், செக்ஸ் பொம்மைகள் போலவும் பெண்களை சித்தரித்துக் காட்டுகிறார்கள்.
உடலைக் காட்டும் காட்சிகளை வலியக்க திணிக்கிறார்கள். நான் ஒரு பெண்ணியவாதி. பாலிவுட்டில் பெண்களை ஆபாசமாக சித்தரிப்பதைப் பார்க்கும்போது கோபமாக வருகிறது. எனது பிராவை தீவைத்து எரிக்க வேண்டும் போல இருக்கிறது. அதைத்தானே படங்களில் அதிகம் காட்டுகிறார்கள் என்றார்.
அவரை கூலாக்க, குத்துப்பாட்டு குறித்து கேட்கப்பட்டது. அதற்குப் பதிலளித்த சோனம், குத்துப்பாட்டு என்பது சினிமாவில் தவிர்க்க முடியாத விஷயமாகி விட்டது. அதைப் பார்க்க நன்றாகத்தான் இருக்கிறது. ஆனால் அதிலும் ஆபாசத்தைத்தான் கலக்கிறார்கள். என்னால் குத்துப்பாட்டுக்கு ஆட முடியாது. ஆடவும் விருப்பமில்லை, ஆடவும் மாட்டேன் என்றார் சோனம்.
Continue with Google