Don't Miss!
- News கோவையில் மறுவாக்குப்பதிவு நடத்தணும்.. 1 லட்சம் வாக்குகளை காணோம்.. அண்ணாமலை பரபர புகார்!
- Automobiles 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- Sports அமுக்கு டுமுக்கு அமால் டுமால்.. தல கொஞ்சம் தள்ளி நில்லுங்க.. சிஎஸ்கேவை வெளுக்கும் தரமான மீம்ஸ்!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
திரும்பவும் வெயிட்டுப் போடும் இஞ்சி இடுப்பழகி: இப்போ இந்த ரிஸ்க் தேவைதானா?: ரசிகர்கள் ஷாக்கிங்!
ஐதராபாத்: ரசிகர்களின் கனவுக் கன்னியான அனுஷ்கா, தமிழ், தெலுங்கில் சூப்பர் ஹிட் படங்களில் நடித்துள்ளார்.
மாதவனுடன் 'ரெண்டு' படத்தின் மூலம் தமிழில் அறிமுகமான அனுஷ்கா, நீண்ட இடைவேளைக்குப் பின்னரே கோலிவுட்டில் பிஸியாக நடிக்கத் தொடங்கினார்.
அனுஷ்கா இதுவரை ரஜினி, விஜய், அஜித், விக்ரம் என தமிழின் முன்னணி ஹீரோக்களுடன் ஜோடி போட்டு அசத்தியுள்ளார்.
திருச்சிற்றம்பலம் படத்துக்கு ஆடியோ லான்ச்.. ஒரே மேடையில் அசத்தவுள்ள அனிருத் – தனுஷ்!
சூப்பர் அறிமுகம்
தெலுங்கில் 2005ல் வெளியான 'சூப்பர்' படத்தில் நாகர்ஜுனுடன் இணைந்து நடித்த அனுஷ்கா, அடுத்ததாக ராஜமெளலி இயக்கத்தில் ரவிதேஜாவுடன் 'விக்ரமார்குடு' படத்திலும் சிறப்பான நடிப்பை வெளிப்படுத்தினார். அதேபோல், தமிழில் மாதவன் நடிப்பில் 2006ம் ஆண்டு வெளியான 'ரெண்டு' படத்தில் நாயகியாக நடித்திருந்தார். தமிழ், தெலுங்கு என இருமொழிகளிலும் அனுஷ்காவிற்கு நல்ல மார்க்கெட் உருவாகியது.
அருந்ததியாக மிரட்டல்
ஆரம்பம் முதலே கவர்ச்சியான நடிப்பில் ரசிகர்களை கிறங்கடித்து வந்த அனுஷ்கா, நாயகிக்கு முக்கியத்துவம் உள்ள படங்களில் நடிக்கவும் காத்திருந்தார். அவர் நடித்த பெரும்பாலான படங்களில், அனுஷ்காவின் கவர்ச்சி மட்டுமே ரசிகர்களிடம் வரவேற்பை பெற்றிருந்தது. இந்நிலையில், அவரது நடிப்பில் வெளியான 'அருந்ததி' திரைப்படம், மெகா வசூல் சாதனை படைத்து பட்டையைக் கிளப்பியது. அனுஷ்காவின் மிரட்டலான நடிப்பை கண்ட ரசிகர்கள், மிரண்டு தான் போய்விட்டனர்.
பாகுபலி பிரபாஸுடன் காதல்
இதனிடையே டோலிவுட் டார்லிங் பிரபாஸுடன் அடுத்தடுத்து ஜோடி சேர்ந்தார் அனுஷ்கா. குறிப்பாக அவர்களது நடிப்பில் வெளியான மிர்ச்சி, பாகுபலி, பாகுபலி 2 ஆகிய படங்கள் பாக்ஸ் ஆபிஸ் ஹிட் கொடுத்து அசத்தின. அதேநேரம் பிரபாஸுக்கும் அனுஷ்காவுக்கு இடையே காதலும் மலர்ந்தது. இருவரும் ஜோடியாக வலம்வந்த ஏராளமான போட்டோக்கள், சோஷியல் மீடியாக்களில் வைரலாகின.
காதல் கசக்குதைய்யா
பல வருடங்களாக தொடர்ந்த பிரபாஸ், அனுஷ்கா காதல் திருமணத்தில் முடியும் என ரசிகர்கள் காத்திருந்தனர். ஆனால், இருவருமே இப்போது பிரேக் அப் மோடில், சைலண்ட்டாக ஆளுக்கொரு திசையில் சென்று கொண்டிருக்கின்றனர். இதனிடையே, தமிழில் வேட்டைக்காரன், லிங்கா, சிங்கம், என்னை அறிந்தால், என டாப் ஹீரோக்களுடன் ஒரு ரவுண்டு வந்தார் அனுஷ்கா.
இஞ்சி இடுப்பழகி
கேரக்டர்களுக்காக உடல் எடையை கூட்டி குறைத்து நடிப்பதில் நடிகர்கள் மட்டுமே ஆர்வம் காட்டி வந்தனர். அவர்களுக்கு எல்லாம் சவால் விடும் வகையில், தெலுங்கில் 'சைஸ் ஜீரோ' என்ற பெயரிலும், தமிழில் 'இஞ்சி இடுப்பழகி' என்ற டைட்டிலுடன் வெளியான படத்தில், அனுஷ்கா சிறப்பான சம்பவம் செய்திருந்தார். ஆர்யாவுக்கு ஜோடியாக நடித்த அனுஷ்கா, செம்ம வெயிட் போட்டு, பப்ளியாக நடித்து ஆச்சரியப்படுத்தினார்.
திரும்பவும் ரெடி
இந்த நிலையில், மகேஷ் இயக்கவுள்ள புதிய படத்தில் கமிட் ஆகிருக்கும் அனுஷ்கா, திரும்பவும் ஒரு ரிஸ்க் எடுக்க ரெடியாகிவிட்டாராம். அதாவது இந்தப் படத்துக்காக 20 கிலோ வரை வெயிட்டை அதிகரிக்க உள்ளதாகக் கூறப்படுகிறது. கதையின் தேவைக்காக அனுஷ்கா மீண்டும் அவரது எடையை கூட்டவுள்ளது, ரசிகர்களுக்கு ஷாக்கிங் அப்டேட்டாக அமைந்துள்ளது. சில ரசிகர்களோ இந்த வயசுல அனுஷ்காவுக்கு இதெல்லாம் தேவைதானா என்றும் கூறி வருகின்றனர்.