இதனால் தான் விஜய் கங்கனாவை ஜெயலலிதாவாக நடிக்க வைக்கிறாரா?

பட வாய்ப்பு

பிராந்திய மொழி படங்களில் நடிக்க வேண்டும் என்று விரும்பினேன். ஏனென்றால் தமிழ்நாடு அல்லது ஆந்திராவுக்கு சென்றால் அங்குள்ள மக்கள் அப்பகுதியை சேர்ந்தவர்கள் எடுக்கும் படங்களை மட்டுமே பார்க்கிறார்கள்.

தலைவி

நல்ல வாய்ப்பு வந்தால் பிராந்திய மொழி படத்தில் நடிக்க வேண்டும் என்று காத்திருந்தேன். அந்த நேரத்தில் தான் தலைவி பட வாய்ப்பு வந்தது. என் கதையும் ஜெயலலிதாவின் கதையும் ஒரே மாதிரி தான் உள்ளது. சொல்லப் போனால் அவரின் கதை என்னுடையதை விட மிகவும் வெற்றிகரமானது.

கதை

விஜய் கதை சொன்னபோது அதற்கும் என் வாழ்க்கைக்கும் நிறைய தொடர்பு இருந்ததை உணர்ந்தேன். நான் என் வாழ்க்கை வரலாற்றை படமாக்க நினைத்த நேரத்தில் தலைவி வாய்ப்பு வந்தது. என் கதையா, அவர் கதையா என்று யோசித்தபோது ஜெயலலிதாவின் கதையில் நடிப்பது என்று முடிவு செய்தேன்.

தமிழ்

நான் இந்த படத்திற்காக தமிழ் கற்கப் போகிறேன். என் தமிழ் மோசமாக இருக்கிறது என்று இயக்குநர் நினைத்தால் வேறு யாரையாவது வைத்து டப்பிங் செய்யலாம். ஆனால் நான் தமிழ் கற்பது என்று முடிவு செய்துவிட்டேன் என்றார் கங்கனா. ஜெயலலிதா மற்றும் கங்கனாவின் வாழ்க்கை ஒரே மாதிரி இருப்பதால் தான் அவரை நடிக்க வைக்கிறாரா விஜய்?