ஜஸ்பா படத்தில் ஜான் ஆபிரஹாம் ஜோடியாகிறார் ஐஸ்வர்யா ராய்!

ஜஸ்பா...

மணிரத்னம் தெலுங்கு மற்றும் தமிழில் எடுக்கும் படத்தில் ஐஸ்வர்யாராய் நடிக்கப் போவதாக முதலில் செய்திகள் வெளிவந்தது. ஆனால், தற்போது சஞ்சய் குப்தா இயக்கும் ஜஸ்பா படம் மூலம் மீண்டும் நடிக்க வருகிறார் ஐஸ்வர்யா.

5வது படம்...

இப்படத்தில் ஐஸ்வர்யா ராய்க்கு ஜோடியாக ஜான் ஆபிரஹாம் நடிக்கிறார். இந்த திரைப்படம் ஜான் ஆப்ரஹாம் மற்றும் சஞ்சய் குப்தா இணையும் ஐந்தாவது படம் என்பது குறிப்பிடத்தக்கது.

ஆக்‌ஷன் காட்சிகள்...

கேங்ஸ்டார் கதையை கொண்ட இந்த திரைப்படத்தில் ஐஸ்வர்யா கிளாமர் மற்றும் ஆக்ஷன் காட்சிகளிலும் நடிக்க உள்ளதாக தகவல்கள் தெரிவிக்கின்றன.

2015ல் ரிலீஸ்...

இதற்காக அவர் தன் உடல் எடையை 8 கிலோ குறைக்கும் முயற்சியில் ஈடுபட்டுள்ளாராம். இந்த திரைப்படம் 2015-ஆம் ஆண்டு இறுதியில் வெளியாகும் என எதிர்பார்க்கப்படுகிறது.

ஜான் ரொம்ப ஹேப்பி...

படத்தின் கதையைக் கேள்விப்பட்ட ஜான் ஆபிரஹாம் உடனடியாக ஓகே சொல்லி விட்டாராம். மீண்டும் ஐஸ்வர்யா ராயுடன் ஜோடியாக நடிப்பதில் ஜான் ஆபிரஹாமுக்கு மிகவும் மகிழ்ச்சி என படக்குழு தரப்பு தெரிவித்துள்ளது.