முகப்பு

ஹீரோயின்

சமீபத்தில் தென்னிந்திய நடிகர்களை காஜல் அகர்வால் இழிவுபடுத்தி பேசி கண்டனத்துக்குள்ளானார். இப்போது தன்னுடைய ஹீரோவையே அடிக்கப் பாய்ந்து அதிர்ச்சி தந்துள்ளார்.

தெலுங்கில் தயாராகும் 'தாதா' படப்பிடிப்பு ஹைதராபாத்தில் நடந்து வருகிறது. படப்பிடிப்பில் காஜல் அகர்வாலுக்கும், நாக சைதன்யாவுக்கும் திடீர் வாய்த்தகராறு ஏற்பட்டது. இதில் காஜல் கோபமாகி நாக சைதன்யாவை அடிக்கப் பாய்ந்ததாக செய்தி வெளியாகியுள்ளது.

படப்பிடிப்பு குழுவினர் தடுத்திருக்காவிட்டால் இருவரும் அடித்துக் கொண்டிருப்பார்களாம். இந்த சண்டையை விலக்க வந்த படக்குழுவினரையும் கோபமாக திட்டிப் பேசினாராம் காஜல்.

காஜல் கோபத்துக்கு காரணம் தெரியவில்லை. இயக்குநர் தலையிட்டதால் மேற்கொண்டு பிரச்சினையை வளர்க்காமல் நடித்துக் கொடுத்தாராம் நாக சைதன்யா.

காஜல் அகர்வாலுக்கு சரியான பாடம் கற்பிக்க வேண்டும் என தெலுங்கு படவுலகில் முன்னணி இயக்குநர்களும் ஹீரோக்களும் குரல் எழுப்பி வருகின்றனர்.