Don't Miss!
- Lifestyle உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- News 664 மனு நிராகரிப்பு! தமிழக லோக்சபா தேர்தலில் 1085 வேட்புமனு ஏற்பு! எந்த தொகுதியில் அதிகம் தெரியுமா
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
நான் கடவுளில் கார்த்திகா!
பாலாவின் நான் கடவுள் பட நாயகி ஒரு வழியாக இறுதி செய்யப்பட்டு விட்டார். தூத்துக்குடி, பிறகு படங்களின் நாயகி கார்த்திகாதான் அந்த அதிர்ஷ்டக்கார நாயகி.
பாலா இயக்கத்தில் அறிவிக்கப்பட்ட நான் கடவுள் ஆரம்பத்திலிருந்தே பல குழப்பங்களில் சிக்கி வளர்ந்துவருகிறது. முதலில் அஜீத் நடிப்பதாக இருந்தது. பின்னர் அவர் மாற்றப்பட்டு ஆர்யா நாயகனானார்.பிறகு படப்பிடிப்பு தொடங்கி நடந்து வந்தது. ஒரு ஷெட்யூல் முடிந்த நிலையில் ஹீரோயின் பாவனா படத்தில் இல்லை என்று பேச்சு கிளம்பியது. பாவனாவிடம் வாங்கிய கால்ஷீட்டை முழுமையாக பயன்படுத்தாததால் அது காலாவதியாகி விட்டது.
பாவானாவின் நடிப்பில் பாலாவுக்கு திருப்தி வரவில்லை. இதனால் புதிய ஹீரோயினைத் தேடும் பணியில் பாலா மும்முரமாக இறங்கினார். கருப்பசாமி குத்தகைதாரர் பட நாயகி மீனாட்சி, மலையாள நடிகை பார்வதி மெல்டன் ஆகியோர் பரிசீலிக்கப்பட்டனர். ஆனால் அவர்களிடமும் பாலா திருப்தி கொள்ளவில்லை.
இந்த நிலையில் கார்த்திகாவை தனது படத்தின் நாயகியாக பாலா இறுதி செய்துள்ளார். தூத்துக்குடி படம் மூலம் அட என்று ஆச்சரியமான அறிமுகத்தைக் கொடுத்தவர் கார்த்திகா.
அவர் ஆடிப் பாடிய கருவாப்பையா பாடல் பட்டி தொட்டியெங்கும் பிரபலமானதால், கார்த்திகாவும் பிரபலமானார். தொடர்ந்து வந்த பிறகு, சறுக்கினாலும் கூட கார்த்திகாவின் புகழ் குறையவில்லை. பாண்டியராஜன் மகன் பிருத்விக்கு ஜோடியாக புதிய படம் ஒன்றில் நடிக்க ஒப்பந்தமாகியுள்ளார் கார்த்திகா.
இந்த நிலையில்தான் கார்த்திகாவை தனது நான் கடவுள் படத்தின் நாயகியாக்கியுள்ளார் பாலா. நான் கடவுள் படத்தில் நடிக்க ரெடியா என்று பாலா கேட்டபோது, கால்ஷீட் டைரியை அவரிடமே கொடுத்து உங்களுக்குத் தேவையான நாட்களை நீங்களே முடிவு செய்து கொள்ளுங்கள் என்று சந்தோஷமாக கூறி விட்டாராம் கார்த்திகா.
படப்பிடிப்பு ஜூலை 25ம் தேதி தேனியில் மீண்டும் தொடங்குகிறதாம்.