வீடியோ கேம் வீராங்கனை லாரா கிராப்ட் மாதிரி... - 'புறம்போக்கு' கார்த்திகாவின் ஆக்ஷன் ரோல்

ஒரே ஹீரோயின் மூணு ஹீரோக்கள்

இதில் விஜய் சேதுபதி, ஆர்யா, ஷாம் என மூன்று ஹீரோக்கள். ஆனால் நாயகி கார்த்திகா மட்டுமே.

இப்படத்தின் முதல்கட்ட படப்பிடிப்பு குலுமணாலியில் தொடங்கி நடந்து முடிந்துள்ளது. அடுத்தக்கட்ட படப்பிடிப்பு ராஜஸ்தானில் இருக்கும் ஜோத்பூரில் நடக்கவிருக்கிறதாம்.

லாரா கிராப்ட்

இதுகுறித்து நடிகை கார்த்திகா கூறும்போது, "இந்த படத்தில் எனக்கு ஆக்ஷன் காட்சிகளில் திறமை காட்டக்கூடிய கதாபாத்திரம்.

இந்த கதாபாத்திரத்தின் தோற்றம் வீடியோ கேம் மூலம் பிரசித்தி பெற்ற வீராங்கனை லாரா கிராப்டை சார்ந்து இருக்கும்.

டேப் டான்ஸ்

இதுதவிர இப்படத்தில் நான் ஆடியிருக்கும் டேப் டான்ஸ், எனக்கு நடனத்திலும் நல்ல பெயரை பெற்றுத் தரும். என் மேல் நம்பிக்கை வைத்து எனக்கு இந்த வாய்ப்பளித்த இயக்குனர் ஜனநாதனுக்கு நன்றி சொல்ல வேண்டும்.

சரித்திர பேராசிரியர்

அவர் என் பார்வையில் இயக்குநராக மட்டுமல்ல, ஒரு சரித்திர பேராசிரியராகவும் தெரிகிறார். அவரது உலக அறிவு அபரிதமானது... வியப்புக்குரியது," என்றார்.

யுவன்

‘புறம்போக்கு' படத்தை எஸ்.பி.ஜனநாதன், யுடிவி மோஷன் பிக்சர்ஸ் உடன் இணைந்து பிரம்மாண்டமாக தயாரிக்கிறார். இப்படத்திற்கு யுவன் சங்கர் ராஜா இசையமைக்கிறார்.