நடிப்பிற்கு வயதா தடை? – 31 வயதிலும் 15 மணிநேரம் நடிக்கும் அழகு நடிகை கத்ரீனா கைப்!

சினிமா உலகின் உண்மை முகம்:

முன்னணி நடிகர்கள், இயக்குநர்களுடன் இணைந்து பணியாற்றி நல்ல பெயர் வாங்கிவிட்டார். இவர் முதலில் வெளியே இருந்து பார்த்தபோது, இவருக்கு சினிமா உலகம் ஒரு ஜிகினா உலகமாகத்தான் தெரிந்திருக்கிறது. உள்ளே வந்த பின்புதான் அதன் உண்மைகள் புரிந்திருக்கிறது.

தொடர்ச்சியான நடிப்பு:

திரையுலகில் பணியாற்றுவது ரொம்பவே கடினம். சிலநேரங்களில் தொடர்ந்து 14, 15 மணி நேரம் நடிக்க வேண்டியதிருக்கிறது. இது சாதாரண விஷயமல்ல. அவ்வப்போது சரியான நேரத்துக்கு சாப்பிடக்கூட முடியாது.

தீவிரமான ஆர்வம் அவசியம்:

அதெல்லாம் நமது உடம்பைப் பாதிக்கும். திரையுலகில் நீடிப்பதற்கு தீவிரமாக ஆர்வம் தேவை. அத்தகைய ஆர்வம் எவ்வளவு காலம் இருக்குமோ அவ்வளவு காலம்தான் நம்மால் இங்கு தாக்குப் பிடிக்க முடியும் என்கிறார் கத்ரீனா.

வயது ஒரு தடையில்லை:

தற்போது "ஜக்ஜகா ஜஸுஸ்", "பிட்டூர்" ஆகிய படங்களை கைவசம் வைத்திருக்கும் கத்ரீனா 31 வயதை எட்டியிருக்கிறார். ஆனால் நடிப்புக்கு வயது தடையில்லை என்பது கத்ரீனாவின் கருத்து.

உதாரண கதாநாயகிகள்:

அதற்கு அம்மாவான பிறகு திரையுலகுக்குத் திரும்பி வந்த ஸ்ரீதேவி, மாதுரி தீட்சித் ஆகியோரை உதாரணமாகக் காட்டுகிறார் கத்ரீனா. இங்கே வயது ஒருவரின் சினிமா விதியை நிர்ணயிப்பதில்லை என்கிறார் இவர்.

நல்ல படம்தான் தேவை:

இந்தி திரையுலகில் ஆட்சி செலுத்தும் மூன்று கான்களுடனும் நடித்தவர் கத்ரீனா. ஆனால் தற்போது, யாரோடு சேர்ந்து நடிக்கப் போகிறோம் என்பதை விட, நல்ல படமா என்றுதான் பார்க்கிறாராம்.

வலுவான கதாப்பாத்திரங்கள்:

‘‘சல்மான், ஷாருக்குடன் நான் இணைந்து நடித்தஏக் தா டைகர், ஜப் தக் ஹே ஜான் படங்களிலும் எனக்கு வலுவான கதாபாத்திரங்கள்தான். அந்தப் பாத்திரங்களில் நடிக்க எந்த நடிகையும் விரும்புவார்.

நடிப்பதில் மகிழ்ச்சி எனக்கு:

ஆனால், நாம் யாருடன் இணைந்து நடிக்கிறோம் என்பது விஷயமே அல்ல. ஆனால் நான் எல்லா நடிகர்களுடனும் இணைந்து நடித்துவிட்டேன் என்பதில் எனக்கு மகிழ்ச்சி'' என்று புன்னகைக்கிறார் அவர்.