சல்மானுக்கு பதிலாக எல்லாம் என்னால் விருதை வாங்க முடியாது: கத்ரீனா கரார்

By Siva

| Published: Saturday, November 24, 2012, 14:52 [IST]

மும்பை: விருது வழங்கும் விழா ஒன்றில் பாலிவுட் நடிகர் சல்மான் கானுக்கு பதில் விருது வாங்க நடிகை கத்ரீனா கைப் மறுத்துவிட்டார்.

பாலிவுட் நடிகர் சல்மான் கானின் முன்னாள் காதலி கத்ரீனா கைப் அண்மையில் ஷாருக்கானுடன் சேர்ந்து ஒரு படத்தில் நடித்தார். அதில் இருந்து அவர் சல்லுவுக்கு எதிராக திரும்பிவிட்டார் என்ற குற்றச்சாட்டு எழுந்துள்ளது. கடந்த சில நாட்களுக்கு முன்பு நிகழ்ச்சி ஒன்றில் கலந்து கொண்ட கத்ரீனா சல்மான் கான் என் அண்ணன் மாதிரி என்று கூறி அனைவரையும் ஆச்சரியப்பட வைத்தார்.

இந்நிலையில் விருது வழங்கும் விழா ஒன்றில் சல்மான் கானுக்கு பதில் அவரது விருதை வாங்க மேடைக்கு வருமாறு கத்ரீனா கைபை அழைத்துள்ளனர். அதற்கு அவர் சல்மானுக்கு பதில் விருதை வாங்க என்னால் முடியாது. சல்மான் ஒரு படத்திற்கு வாங்கும் சம்பளத்தில் ஒரு தொகையை எனக்கு கொடுத்தால் அவருக்கு பதில் விருதை வாங்குகிறேன் என்று கராராக பேசிவிட்டார்.

கத்ரீனாவின் இந்த பதிலைக் கேட்டு நிகழ்ச்சி ஒருங்கிணைப்பாளர் முதல் அங்கிருந்த அனைவரின் கண்களும் ஆச்சரியத்தில் விரிந்தன. ஷாருக்கானுடன் சேர்ந்ததால் தான் கத்ரீனா இவ்வாறு நடந்துகொள்கிறார் என்று சிலர் முணுமுணுக்கின்றனர்.