Don't Miss!
- News தாமரைக்கு ஓட்டுபோட கூறிய மூதாட்டி.. விரலை மாத்தி அழுத்திய தேர்தல் அதிகாரி? எல் முருகன் வாக்குவாதம்
- Lifestyle 1 கப் பச்சரிசி மாவு வெச்சு.. இப்படியொரு ஸ்நாக்ஸ் செய்யுங்க.. ஒரு வாரத்துக்கு ஸ்நாக்ஸ் பிரச்சனையே வராது..
- Finance தங்கம் விக்கிற விலைக்கு 1000 கிலோ தங்கம் காணிக்கை.. திருப்பதி வெங்கடாஜலபதி மகிமையே மகிமை..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
- Sports "பிரேக் அப் பண்ணப் போறாங்க" அழகான பெண்ணை பார்த்து வாயை பிளந்த சுப்மன் கில்.. வெளியான வீடியோ
- Technology பொளந்து கட்டுது சேல்.. ரூ.20499 பட்ஜெட்ல 108MP கேமரா.. 3D டிஸ்பிளே.. 5800mAh பேட்டரி.. எந்த மாடல்?
- Automobiles போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
அதுக்குள்ள அந்த படத்தோட ஹைதராபாத் ஷூட்டிங்கை முடித்த கீர்த்தி சுரேஷ்.. இனிமே இதுல தான் கவனமாம்!
Recommended Video
சென்னை: தமிழ் மற்றும் தெலுங்கு மொழிகளில் உருவாகி வரும் மிஸ் இந்தியா படத்தின் ஷூட்டிங்கை முடித்துள்ளார் நடிகை கீர்த்தி சுரேஷ்.
அஜய் தேவ்கனின் பாலிவுட் படமான மைதான் படத்தில் இருந்து வெளியேறிய கீர்த்தி சுரேஷ், நரேந்திரநாத் இயக்கத்தில் உருவாகி வரும் மிஸ் இந்தியா படத்தின் ஹைதராபாத் ஷெட்யூல் ஷூட்டிங்கை முடித்துள்ளாராம்.
சிவா இயக்கத்தில் ரஜினிகாந்த் நடிப்பில் உருவாகி வரும் தலைவர் 168 படத்திலும் கீர்த்தி சுரேஷ் முக்கிய கதாபாத்திரத்தில் நடித்து வருவது குறிப்பிடத்தக்கது.
பெண்குயின்
கார்த்திக் சுப்புராஜ் தயாரிப்பில் ஈஸ்வர் கார்த்திக் இயக்கத்தில் கீர்த்தி சுரேஷ் நடிப்பில் உருவாகி வரும் பெண்குயின் திரைப்படம் விரைவில் திரைக்கு வர காத்திருக்கிறது. நடிகையர் திலகம் படத்திற்காக தேசிய விருது வென்ற நடிகை கீர்த்தி சுரேஷிற்கு தெலுங்கில் மிகப்பெரிய ரசிகர்கள் பட்டாளம் உருவாகியுள்ளது. பெண்குயின் படமும் தெலுங்கில் வெளியாகிறது.
பாலிவுட் படம்
அஜய்தேவ்கன் நடிப்பில் உருவாகி வந்த பாலிவுட் ஸ்போர்ட்ஸ் படமான மைதான் படத்தில் நடிக்க ஒப்பந்தமான கீர்த்தி சுரேஷ், அந்த படத்திற்காக தனது உடல் எடையை அதிகளவில் குறைத்து ஒல்லி நடிகையாக மாறினார். ஆனால், சமீபத்தில் அந்த படத்தில் இருந்து கீர்த்தி சுரேஷ் வெளியேறிவிட்டார். அவருக்கு பதிலாக பிரியாமணி நடித்து வருகிறார்.
மிஸ் இந்தியா
ஈஸ்ட் கோஸ்ட் புரொடக்ஷன் தயாரிப்பில் நரேந்திரநாத் இயக்கத்தில் தமிழ் மற்றும் தெலுங்கு மொழிகளில் உருவாகி வரும் மிஸ் இந்தியா. தெலுங்கில் மகாநடி என்றும் தமிழில் நடிகையர் திலகம் என்ற தலைப்பில் வெளியாகி தேசிய விருதை அள்ளியது போல கீர்த்தி சுரேஷின் இந்த படமும் பல விருதுகளை குவிக்கும் என கருதப்படுகிறது.
ஷூட் ஓவர்
கீர்த்தி சுரேஷ் நடிப்பில் மிஸ் இந்தியா என்ற டைட்டிலில் உருவாகி வரும் படத்தின் ஹைதராபாத் ஷெட்யூல் ஷூட்டிங்கை கீர்த்தி சுரேஷ் முடித்துள்ளார். இதுகுறித்த அதிகாரப்பூர்வ அறிவிப்பை தனது இன்ஸ்டாகிராம் பக்கத்தில் கீர்த்தி சுரேஷ் வெளியிட்டுள்ளார். கடந்த ஆண்டு இறுதியில் ஐரோப்பாவில் நடத்தப்பட்ட ஷூட்டிங் காட்சிகளுடன் உருவான மிஸ் இந்தியா டீசர் வெளியாகி வரவேற்பை பெற்றிருந்தது.
தலைவர் 168
ஹைதராபாத்தில் மிஸ் இந்தியா படத்திற்கான ஷூட்டிங் மற்றும் சூப்பர்ஸ்டார் ரஜினிகாந்தின் தலைவர் 168 படத்திற்கான ஷூட்டிங் என செம்ம பிஸியாக நடித்து வருகிறார் நடிகை கீர்த்தி சுரேஷ். சிறுத்தை சிவா இயக்கத்தில் டி. இமான் இசையில் உருவாகி வரும் இந்த படத்தில் கீர்த்தி சுரேஷ் ரஜினிக்கு தங்கை கதாபாத்திரத்தில் நடித்து வருகிறார் என்ற தகவல்கள் வெளியாகியுள்ளது.
யார் ஜோடி
ரஜினிக்கு கீர்த்தி சுரேஷ் ஜோடி இல்லை என்ற தகவல் பரவியதும் கீர்த்தி சுரேஷுக்கு யார் ஜோடி என்ற கேள்வி எழுந்துள்ளது. இந்தியன் 2 படத்தில் கமல்ஹாசனுடன் ரகுல் ப்ரீத் சிங்குக்கு ஜோடியாக நடித்து வரும் சித்தார்த், தலைவர் 168 படத்தில் கீர்த்தி சுரேஷுக்கு ஜோடியாக நடிப்பார் என்ற தகவலும் வைரலாக பரவியது. சிவகார்த்திகேயன் ரசிகர்கள், சிவகார்த்திகேயன் நடித்தால் சிறப்பாக இருக்கும் என தங்களது கோரிக்கையையும் முன் வைத்து வருகின்றனர். இதற்கான அதிகாரப்பூர்வ அறிவிப்பு இன்னும் வெளியாகவில்லை.